Adidas ва Lego ўзаро ҳамкорликни давом эттирган ҳолда бу сафар кроссовка эмас, балки кроссовка кўринишидаги конструкторни ишлаб чиқарди, деб хабар бермоқда Esquire.
Янги Lego тўплами рамзий Superstar моделига асосланган: 731 қисмдан 27 сантиметрлик кроссовканинг чап ёки ўнг пойини йиғиш мумкин (бир жуфт кроссовка учун иккита тўплам сотиб олиш керак). Конструкторни йиғиш учун, тахминан, икки соат вақт кетади.
Оқ ва қора деталлар Superstar кроссовкаларининг шакли ва рангини ишончли тарзда ўхшата олади, ҳатто ҳар бир тўпламда ёрлиқлар ва боғичлар мавжуд.
Тўплам одатда Adidas Originals пойабзаллари сотиладиган мовий рангли қутида сотилади. Lego деталлари солинган пакетлар эса янги кроссовкаларни ўраш учун ишлатиладиган қоғозга айланади.
10282 адидас Originals Superstar деб номланган тўплам 2021 йилнинг 1 июлидан сотувга чиқади. Унинг нархи салкам 125 АҚШ долларини ташкил қилади.
Мавзуга доир:
- Nike бренди PlayStation 5’дан илҳомланилган кроссовкаларини тақдим этди (фото)
- Samsung Adidas билан ҳамкорликда яратилган наушнигини тақдим этди
- Чўнтакли кроссовкалар қандай кўринишга эга ва улар нима учун керак?
- Рэпер Томми Кеш ва Adidas Originals узунлиги 1 метрни ташкил қиладиган кроссовка моделини намойиш қилди
Изоҳ (0)