Хитойда 2019 йилда асос солинган Shanghai Jingwu Intelligent Technology компанияси меҳмонхоналар учун роботлар ишлаб чиқаришни бошлади, деб хабар беради IXBT. Кўп йиллик тажрибага эга мутахассислар жамоаси мустақил равишда роботни яратган ва асосий эҳтиёт қисмларини тайёрлаган бўлиб, бу келажакда ишлаб чиқаришни ривожлантириш ҳамда кўламини оширишга хизмат қилади. Бунга параллел равишда булутли платформа ва қўллаб-қувватлаш воситаси ҳам яратилган.
Робот асосий эътиборини ташувчи роботларга қаратмоқда. Улар меҳмонхона ичида меҳмон томонидан буюртма қилинган почта, егулик, ичимлик ва буюмларни ташиш билан шуғулланади. Роботлар номерларда буюмларни, телефонлар, «ақлли» колонка ва бошқа қурилмаларни сақлаш боғлиқ. Манбанинг маълум қилишича, битта робот бир кунда 70-80 та етказиб бериш ишини амалга ошириши мумкин. Шунингдек, робот учун йўл кўрсатувчи функцияси стандарт ҳисобланади. Модуль конструкция қўшимча функцияларни, жумладан, тана ҳароратини ўлчаш ёки бинони қўриқлаш каби ишларни амалга ошириш имконини ҳам беради.
Хитойдаги йирик Home Inn Selected меҳмонхоналар тармоғида амалга оширилган синовлар битта робот ҳам меҳмонхона ходими, ҳам қўриқчи ишини бажара олишини кўрсатган, бу эса ойига ўртача 1400 доллар харажатни камайтиришни таъминлайди. Қўшимча маблағлар савдо товарлари функциясини қўшишга имкон яратади.
Shanghai Jingwu Intelligent Technology роботларидан ҳозирда тахминан 1000 та меҳмонхонада фойдаланилмоқда. Йил охирига бориб компания роботлар ишлаётган иш ўринлари сонини 3500 га етказишни режалаштирган.
Халқаро робототехника федерацияси (IFR) томонидан эълон қилинган маълумотларга кўра, 2019 йилда Хитойдаги сервис роботлари бозори 2,2 миллиард долларни ташкил этган (жаҳон бозорининг 25 фоизи). IFR мутахассисларнинг прогнозида қайд этилишича, 2023 йилга бориб жаҳондаги сервис роботлар бозори 27,7 миллиард долларга, Хитой бозори эса 8 миллиард долларга етади.
Аввалроқ Хитойда тиш қўйишга қодир стоматолог-робот, Австралияда эса олма теришга қодир робот яратилгани тўғрисида хабар берилганди.
Изоҳ (0)