Тошкентдаги «Сергели» блокпостида таъсир қилувчи моддалар олиб кирмоқчи бўлган шахс тўхтатиб қолинди. Бу ҳақда пойтахт ИИББ матбуот хизмати хабар берди.
Маълум қилинишича, 16 июнь куни, тахминан, соат 04:30 да Янгиҳаёт туманидаги «Сергели» блокпостида Тошкент шаҳар ИИББ ходимлари пойтахтга кирмоқчи бўлган Matiz автомобилини тўхтатган.
Текширув давомида транспорт воситаси йўловчиси самарқандлик 1998 йилда туғилган Н.Т.нинг юкидан иккита полиэтилен пакетга ўралган 600 флакон «Тропикамид» ҳамда 1118 та таблетка «Регапен» дориси топилиб, холислар гувоҳлигида олиб қўйилган.
Процессуал тартибда тегишли ҳужжатлар расмийлаштирилгач, фуқаро Янгиҳаёт тумани ИИО ФМБга етказилган.
Аввалроқ Тошкентда қарийб 100 миллион сўмлик кучли таъсир қилувчи дори воситаларининг ноқонуний айланмасига чек қўйилгани, Тошкентда кучли таъсир қилувчи дори воситалари савдоси билан шуғулланган жиноий гуруҳ қўлга олингани ҳақида хабар берилган эди.
Изоҳ (0)