Образ ўзига хос кўриниши учун нафақат футболка, балки бошқа кийимларнинг ҳам сифатлисини танлаш керак.
Мато юпқа бўлмаслиги керак
Юпқа ва оқариб кетадиган матодан тикилган футболка тезда чўзилиб, кераксизга айланиши мумкин. Шу сабаб ҳам сифатли, қаттиқроқ, тана жазирамада ҳам нафас оладиган матодан тикилган моделларга эътибор қаратинг.
Тўғри узунликдаги футболка танланг
Қулай, ҳадеб тўғрилаверишга ҳожат қолмайдиган узунликдаги вариантларни танланг. Эластик матодан тикилган калта моделларни харид қилмаган яхши. Сотиб олишдан аввал, албатта, кийиб кўринг. Қўлларингизни кўтарганда тепага кўтарилиб кетса, бу моделни дўконда қолдирган яхши.
Эркин бичимли футболкаларга эътибор қаратинг
Ҳаддан ортиқ кенг ёки ёпишиб турадиган моделларни танламанг. Футболкада қориндаги камчиликлар кўзга ташланмаслиги, шу билан бирга, ҳаракат учун қулай бўлиши керак.
Енг қисми кенг бўлсин
Енг қисми кенг ва эркин турадиган футболкаларни кийганингиз яхши. Бундай моделлар ҳаракат учун қулай бўлади ва қўлларни озғинроқ кўрсатади.
Принтнинг сифатига эътибор беринг
Футболкадаги ёзув ва суратнинг кўчиб кетмайдиган, сифатли эканига амин бўлинг. Бунинг учун юмшоқ, оқ салфетка билан текшириб кўринг. Қолаверса, ёзувнинг маъносига ҳам эътиборли бўлиш тавсия қилинади.
Безакларга учманг
Оддий ва ҳеч қандай безакcиз футболкалар ҳамма кийимларга мослаш мумкинлиги билан ўзига хос кўринади. Образингиз ёрқин бўлиши учун қизиқарли деталь, масалан, тақинчоқ тақинг. Тош, кўз ва бошқа безакли моделларни эса киймаганингиз яхши.
Бўйин қисми қалин вариантларни сотиб олинг
Стилистлар сифатли бўлгани ва қиммат кўрингани сабаб ҳам олд қисми қалин моделларни харид қилишни маслаҳат беради. Олди очиқ футболкалар эса бора-бора бўшашиб, чўзилиб кетиши мумкин.
Изоҳ (0)