Президентнинг тегишли қарорига кўра, Ваҳобжон Ражабов халқ таълими вазири ўринбосари этиб тайинланди. Бу ҳақда вазирлик матбуот хизмати хабар берди.
Ваҳобжон Ражабов 1971 йилда Наманган вилоятида туғилган. Наманган давлат университетини тугатган.
У турли йилларда Наманган вилояти халқ таълими тизимида турли бошқарув лавозимларида фаолият олиб борган. Жумладан, давлат ихтисослаштирилган мактаб-интернати директори, Наманган вилояти халқ таълими бошқармаси Ташхис маркази раҳбари, Наманган вилояти халқ таълими бошқармаси бошлиғи лавозимларида фаолият юритган.
«Содиқ хизматлари учун» медали билан тақдирланган.
Тайинловга қадар Ваҳобжон Ражабов Фарғона вилояти халқ таълими ходимларини қайта тайёрлаш ва уларнинг малакасини ошириш ҳудудий маркази директори лавозимида ишлаб келган.
Аввалроқ Вазирлар Маҳкамасининг қарори билан Қаҳрамон Ибодуллаев Тошкент шаҳридаги А.I.Герсен номидаги Россия давлат педагогика университети Федерал давлат бюджети олий таълим муассасаси филиали ижрочи директори этиб, Нозим Тўйчибоев Андижон иқтисодиёт ва қурилиш институти ректори этиб тайинлангани, шунингдек, Баҳодиржон Шермуҳаммадов Фарғона давлат университети ректори этиб, Дилноза Хўжаева Қўқон давлат педагогика институти ректори этиб тайинлангани ҳақида хабар берилган эди.
Изоҳ (0)