Самарқанд вилояти Каттақўрғон сув омбори чиқиш каналида чўкаётган одам қутқариб қолинди, дея хабар бермоқда Фавқулодда вазиятлар вазирлиги матбуот хизмати.
Маълум қилинишича, 7 июнь куни Каттақўрғон шаҳрида яшовчи фуқаро (1960 йилда туғилган) спиртли ичимлик истеъмол қилган ҳолда Каттақўрғон сув омборининг чиқиш каналида чўмилиш мақсадида сувга тушган.
Хавфсизлик қоидаларига риоя қилмаганлиги сабабли у сувда чўка бошлаган.
Шу вақт канал яқинидан ўтиб кетаётган фуқаро жабрланувчининг ҳолини кўриб, зудлик билан Каттақўрғон шаҳар фавқулодда вазиятлар бўлимига хабар қилган.
Қутқарувчиларнинг тезкор ҳаракатлари сабабли жабрланувчи ўз вақтида қутқариб олинди. Жабрланувчига туман тез ёрдам шифокорлари томонидан зарур ёрдам кўрсатилди. Қайд этилишича, унинг саломатлигига зиён етмаган.
Эслатиб ўтамиз, Ўзбекистонда ёз мавсумигача неча киши чўкиш билан боғлиқ бахтсиз ҳодисага учрагани маълум қилинганди.
Бундан аввал Мўйноқда икки ўсмир каналга чўкиб кетгани, Катта Фарғона каналининг чўмилиш мумкин бўлмаган ҳудудида 15 ёшли бола чўкиб кетгани ҳамда Тошкентдаги Анҳор каналидан эркак жасади топилгани тўғрисида хабар берилганди.
Изоҳ (0)