«Парма» жамоасининг собиқ футболчиси Жузеппе Перрино ўйин вақтида вафот этди, дея хабар қилмоқда La Gazzetta dello Sport.
29 ёшли Жузеппе 3 йил олдин дунёдан кўз юмган акасининг хотирасига бағишланган ўйин вақтида майдонга йиқилган ва шу билан қайтиб турмаган. Шифокорлар тез тиббий ёрдам кўрсатишга ҳаракат қилган, аммо бу фойда бермаган.
Перринонинг вафотига юрак хуружи сабаб бўлган бўлиши мумкин. Унинг ўлими сабаблари ўрганилмоқда.
Жузеппе «Парма» академиясида ярим ҳимоячи позициясида тўп сурган. Шундан сўнг Италиянинг учинчи ва тўртинчи дивизионидаги турли жамоалар шарафини ҳимоя қилган. 2014 йилдан буён ҳеч қайси жамоада профессионал фаолият олиб бормаётганди.
2020 йил сентябрида Озарбайжондаги отишмалар натижасида 13 ёшли футболчи Шаҳриёр Гурбанов ҳалок бўлганди. 2021 йилнинг январида «Атлетик Б» тарбияланувчиси Айтор Гандиага ЙТҲ оқибатида, февраль ойида эса «ОКМК» футзалчиси Темур Бердиев автоҳалокатдан кейин вафот этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)