“Parma” jamoasining sobiq futbolchisi Juzeppe Perrino o‘yin vaqtida vafot etdi, deya xabar qilmoqda La Gazzetta dello Sport.
29 yoshli Juzeppe 3 yil oldin dunyodan ko‘z yumgan akasining xotirasiga bag‘ishlangan o‘yin vaqtida maydonga yiqilgan va shu bilan qaytib turmagan. Shifokorlar tez tibbiy yordam ko‘rsatishga harakat qilgan, ammo bu foyda bermagan.
Perrinoning vafotiga yurak xuruji sabab bo‘lgan bo‘lishi mumkin. Uning o‘limi sabablari o‘rganilmoqda.
Juzeppe “Parma” akademiyasida yarim himoyachi pozitsiyasida to‘p surgan. Shundan so‘ng Italiyaning uchinchi va to‘rtinchi divizionidagi turli jamoalar sharafini himoya qilgan. 2014-yildan buyon hech qaysi jamoada professional faoliyat olib bormayotgandi.
2020-yil sentabrida Ozarbayjondagi otishmalar natijasida 13 yoshli futbolchi Shahriyor Gurbanov halok bo‘lgandi. 2021-yilning yanvarida “Atletik B” tarbiyalanuvchisi Aytor Gandiaga YTH oqibatida, fevral oyida esa “OKMK” futzalchisi Temur Berdiyev avtohalokatdan keyin vafot etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)