Ёзги образингизга путур етказадиган аксессуарлар (фото)

Ушбу деталлар сизнинг чиройли образ яратишдаги барча ҳаракатларингизни бекор қилиши мумкин. Уларни дарҳол ташлаб юборинг!

Дурли заколкалар

Бундай заколкалар бир неча йил олдин урфда эди, уларни жуда яхши кўриб тақишганди, аммо бугун улар трендда эмас. Айнан шу турдаги тақинчоқлар аллақачон эскирди – уларнинг ўрнига Белла Ҳадид услубидаги ёрқин пластик заколка тақинг.

Тақинчоқли билагузуклар

Билагузукда қанча тақинчоқ борлиги муҳим эмас – яхшиси, умуман бўлмагани яхши. Бундай билагузуклар ўн йил олдин урфда бўлган, бугунги кунда трендда бўлиш учун тўқилган ипли билагузуклар тақиб ёки билагингизга ипак тасма билан боғлаб олинг.

Матоли сирғалар

Севимли матоли сирғалар 90 йилларда ҳалқа сирғалар билан алмашди. Ҳалқали зирак бу ёзда хит бўлади, эҳтимол, кузда ҳам ўз ўрнини йўқотмас. Агар шу каби осилиб турадиган зиракларни ёқтирсангиз, қандил сирғалар яхши вариант бўла олади.

Бахмал ободок

Ҳа, бу аксессуар ҳам антитренд ҳисобланади. Ҳажмли бахмал ободок ўрнига нима тақса бўлади? Замонавий бандана, кичик ипак рўмол ёки рангли заколкалар. Шу билан бир қаторда, унинг ўрнига шойи ободокдан фойдаланишингиз ҳам мумкин, аммо у ҳам мода рўйхатидан чиқариб юборилиш арафасида.

Тасмали сумка

Албатта, бундай сумкалар қулай, аммо энди урфда эмас. Замонавий кўриниш учун машҳур Jacquemus ёки Chanel услубидаги кичик сумкаларни танланг. Бундай сумкаларга лаб бўёғидан бошқа ҳеч нарса сиғмайди, лекин у бошқаларнинг эътибор марказида бўлади

Ингичка кўзойнак

Агар ҳали ҳам 1990 йиллар образини синаб кўришга улгурмаган бўлсангиз, у ҳолда ушбу ташаббусдан воз кечишингизга тўғри келади. Бугунги кунда катта тўртбурчак кўзойнаклар ингичка кўзойнаклар ўрнини босмоқда.

Ингичка занжир

Албатта, тилла занжир классика, аммо биз трендлар ҳақида гаплашяпмиз. Кичкина занжир кўринмайди ва у образингизга урғу бера олмайди. Модага мос ва замонавий кўриниш учун бўйнингизга ҳажмли, қалин занжир тақинг.