Ҳаво иссиқ бўлгани сабаб ҳам ёзда куз ва қишдаги сингари мураккаб образлар яратиб бўлмайди. Аммо бу ўзига хос кийинмаслик кераклигини англатмайди. Тўғри танланган либослар умумлашмаси билан дидли ва замонавий, шу билан бирга, жазирамага мос кўринишга эга бўлиш мумкин. Бу борада стилист Роман Меднийнинг тавсиялари асқатиши аниқ.
80 йиллар услубидаги блуза ва жинси юбка
Елка ва енг қисми кенг ретро услубидаги кофта билан замонавий кўриниш учун классик жинси юбка кийиш кифоя. Бичими кенг ва тугмалар билан безалган бўлса яна яхши.
Металлдан ишланган катта зираклар билан эса образни ўзига хос қилса бўлади.
Оддий кофта ва узун юбка
Такрор урфга кирган узун юбка моделларининг ёрқин ва принтли вариантларига эътибор қаратиш ҳамда оддий бичимли кофта билан мослаш тавсия қилинади. Бу борада Раф Симонснинг 2011 йилдаги Жил Сандер коллекциясидан илҳомланса бўлади.
Дизайнер кенг бичимли узун юбка билан оқ футболка кийиб, минимал услубда образ яратган. Оддий бичимли юбка модели билан оқ ёки мовий кофта кийиш ҳам башанг, ҳам дидли кўринишингизга сабабчи билади.
Классик шим ҳамда ёқа ва енг қисмларига тасма тикилган кофта
Бичими пижамани эсга соладиган кофта билан классик бичимли шим ҳам ўзига хос кўринади. Бундай образ, айниқса, офис учун айни муддао.
Тасмали кофтани нафақат тўқ, балки оч ва катак-катак шимлар билан ҳам мосласа бўлади.
Сарафан кўйлак ва ёзги тренч
Ёзги гардеробда муҳим роль эгаллаган, ипак матосидан тикилган кўйлак устидан юпқа тренчни ташлаб, кечки зиёфатларга борса бўлади.
Уларнинг ҳар иккиси ҳам оч рангда бўлса, кийган аёл нафис ва дилбар кўринади.
Образ танлашда гуллар рангидан илҳомланинг
Ёзда ёрқин ва ранг-баранг либослардан яхшиси йўқ.
Пушти, сиёҳранг ёки қизил рангни бошқа ранглар билан мослаш атрофдагиларда ёқимли таассурот қолдиради.
Изоҳ (0)