Гўзаллик қурбонлик талаб қиладими? Доим ҳам бундай эмас. Қуйида нафақат замонавий кўринишга эга, балки оёқларга ноқулайлик туғдирмайдиган пойабзал танлашни ўрганиш мумкин.
Жуда баланд пошналардан сақланиш лозим
Имкониятларни тўғри баҳолашга ҳаракат қилиш керак. Одатда бўйи пастроқ қизлар баланд пошнали оёқ кийим билан визуал равишда баланд кўринишни хоҳлайди. Лекин кечаси оёқ оғриғидан азоб чекишга тўғри келади. Балки шундан сўнг баланд пошнада ҳаракатланиш ҳам бироз ноқулай кечиши мумкин. Шунинг учун оёқ кийим танлашда кичик ёки ўртача қалин пошнага кўпроқ аҳамият қаратиш зарур.
Замонавийлик оддийликдадир
Оёқ кийим танлашда одатда безак ва тошларига эътибор бермаслик тавсия этилади. Сабаби энг оддий пойабзалларгина ҳамиша трендда ҳисобланади. Оёқ кийимдаги ортиқча деталлар эса тез орада кўчиб тушиши ҳеч гап эмас. Сабаби пойабзаллар инсоннинг бутун танасини кўтариб юради ва шунинг учун ҳам тез фурсатда эскира бошлайди.
Таг қисми тор бўлмаслиги керак
Шунингдек, тагликнинг кенглиги оёқларнинг кенглигидан кам бўлмаслиги керак, акс ҳолда оёқ ён томонларга осилиб қолади. Бу соғлиқда ҳам муаммолар пайдо қилади, чунки бу ҳолатда оёқнинг юки тўғри тақсимланмайди. Дўконда пойабзал танлашда буни ҳисобга олишни унутмаслик керак.
Ҳаддан ташқари тор
Оёқ кийимлар мос бўлса ҳам, боғлагичларнинг жуда қаттиқ эмаслигига ишонч ҳосил қилиш зарур. Қаттиқ сиқилган оёқлар жуда тез чарчайди ва жароҳатланади, шунингдек, улар шишиб кетади ва қон айланишида муаммолар юзага келади.
Тўпиқ жойида бўлиши керак
Кўпгина қизлар бу ҳолатда оёқларининг ишқаланиш эҳтимоли пастроқ деб ҳисоблаб, қасддан бир ўлчам катта туфлиларни харид қилади. Бироқ бундай пойабзал оёқлар учун етарлича қулайликни таъминламайди ва тасодифан шикастланиш хавфи ортади.
Бармоқларнинг жойлашуви
Бунинг бир нечта сабаби бор: жуда қисқа таглик, баланд пошна ва шу билан бирга кенг тасма. Натижада оёқ олд қисмга чиқиб кета бошлайди. Шунинг учун харид чоғида бош бармоққа эътибор қаратиш зарур. Агар юриш пайтида чегарадан ташқарига чиқмаса, у ҳолда уларни сотиб олиш мумкин.
Оёқ билан мослашувчанлик
Оёқнинг эгрилиги пойабзалникига тўғри келмаса, оёқ тагликка суянмайди. Бундай моделда юриш узоқ вақт давомида қийинчилик туғдиради. Бундан ташқари, уни мунтазам равишда кийиш оёқларда муаммоларни пайдо қилади.
Ясси оёқ кийимлар ҳам зарарли бўлиши мумкин
Ясси оёқ кийимларнинг зарари ҳам баланд пошнадан кам эмас. Тез-тез ва қулай ҳаракат билан мушак-скелет тизимида бошқа бир қатор касалликлар пайдо бўлиши мумкин. Бундан ташқари, бундай моделларда оёқ ва бўй бироз калта кўринади.
Изоҳ (0)