Қулупнай ҳамда пишлоқ қўшиб, антиқа сендвич тайёрлаймиз

Резавор мева ва ёқимли пишлоқ таъмининг биргаликдаги мазасидан баҳраманд бўлинг.

Керакли маҳсулотлар:

• қулупнай – 150 грамм;
• қаймоқли пишлоқ – 220 грамм;
• шакар упаси – 40 грамм;
• ваниль экстракти – 1 чой қошиқ;
• тост нони – 6-8 дона;
• тухум – 3 дона;
• сут – 80 мл;
• шакар – 2 ош қошиқ;
• долчин – 1 ош қошиқ;
• сариёғ – 4 ош қошиқ.

1. Қулупнай катта-катта бўлакларга бўлинади. Шакар упаси, пишлоқ ва ваниль билан аралаштирилади.
2. Аралашма ноннинг ярмига суртилади ва иккинчи нон бўлаги унинг устидан ёпилади.
3. Алоҳида идишда тухум, сут, шакар ва долчин аралаштирилади.
4. Товада ёғ қиздирилиб, сендвичлар тухумли аралашмага ботириб олинади. Сўнгра қизаргунга қадар қовурилади.
5. Қолган сендвичлар ҳам худди шу тарзда тайёрланади.