Берлинда насронийлар, яҳудийлар ва мусулмонлар учун умумий ибодатхона қурилиши бошланди

Берлинда 27 май куни бир вақтнинг ўзида учта дин — христианлик, яҳудийлик ва ислом дини вакиллари учун диний учрашувлар жойи бўлиб хизмат қилувчи House of One ибодатхонасининг қурилиши бошланди. Бу ҳақда Rbb телерадиокомпаниясига таяниб, «Интерфакс» хабар берди.

Баландлиги 42 метр бўлган замонавий, сариқ қумтошлардан иборат бино Петриплац майдонида, вайрон бўлган XIII асрга оид Петрикирхе черковининг пойдевори ўрнида қурилади. Бу черков кейинчалик Берлинни ташкил қилган Берлин ва Кёльн шаҳарлари чегарасида жойлашган. Бино, аслида, алоҳида черков, синагога ва масжидга эга бўлиб, уларни битта умумий зал бирлаштиради.

Berlin lays first stone for multi-faith 'House of One' https://t.co/OzWlZa5DAf pic.twitter.com/Mqf8PmeV1U

— 24 News HD (@24NewsHD) May 27, 2021

Пойдевор қўйиш маросимида Бундестаг спикери Вольфганг Шойбле иштирок этди ва лойиҳани «ғайриоддий» деб атади, чунки лойиҳа ташаббуси учала дин вакиллари томонидан берилган.

Today the foundation stone was laid for House of One, a multi-faith centre located in Berlin-Mitte.
The construction of a church, a mosque and a synagogue under one roof was initiated by three religious communities: Protestant, Jewish and Muslim.
More: https://t.co/STewumhZZd pic.twitter.com/UyahKIhgMw

— German Embassy London (@GermanEmbassy) May 27, 2021

Лойиҳа қиймати 47,3 миллион еврога баҳоланмоқда. Ҳозиргача 40 миллион евро тўпланди. Маблағ федерал ва штат бюджетларидан, шунингдек, 60 дан ортиқ мамлакатлардан хусусий хайрия шаклида келиб тушган. Қурилиш 2024—2025 йилларда якунланиши кутилмоқда.