Berlinda nasroniylar, yahudiylar va musulmonlar uchun umumiy ibodatxona qurilishi boshlandi
Berlinda 27-may kuni bir vaqtning o‘zida uchta din — xristianlik, yahudiylik va islom dini vakillari uchun diniy uchrashuvlar joyi bo‘lib xizmat qiluvchi House of One ibodatxonasining qurilishi boshlandi. Bu haqda Rbb teleradiokompaniyasiga tayanib, “Interfaks” xabar berdi.
Balandligi 42 metr bo‘lgan zamonaviy, sariq qumtoshlardan iborat bino Petriplats maydonida, vayron bo‘lgan XIII asrga oid Petrikirxe cherkovining poydevori o‘rnida quriladi. Bu cherkov keyinchalik Berlinni tashkil qilgan Berlin va Kyoln shaharlari chegarasida joylashgan. Bino, aslida, alohida cherkov, sinagoga va masjidga ega bo‘lib, ularni bitta umumiy zal birlashtiradi.
Berlin lays first stone for multi-faith 'House of One' https://t.co/OzWlZa5DAf pic.twitter.com/Mqf8PmeV1U
— 24 News HD (@24NewsHD) May 27, 2021
Poydevor qo‘yish marosimida Bundestag spikeri Volfgang Shoyble ishtirok etdi va loyihani “g‘ayrioddiy” deb atadi, chunki loyiha tashabbusi uchala din vakillari tomonidan berilgan.
Today the foundation stone was laid for House of One, a multi-faith centre located in Berlin-Mitte.
— German Embassy London (@GermanEmbassy) May 27, 2021
The construction of a church, a mosque and a synagogue under one roof was initiated by three religious communities: Protestant, Jewish and Muslim.
More: https://t.co/STewumhZZd pic.twitter.com/UyahKIhgMw
Loyiha qiymati 47,3 million yevroga baholanmoqda. Hozirgacha 40 million yevro to‘plandi. Mablag‘ federal va shtat budjetlaridan, shuningdek, 60 dan ortiq mamlakatlardan xususiy xayriya shaklida kelib tushgan. Qurilish 2024—2025-yillarda yakunlanishi kutilmoqda.
Mavzuga doir:
