Туркия ҳарбий денгиз кучлари Эгей ва Ўрта Ер денгизларида Денизкурду-2021 кенг кўламли ўқув машғулотларини бошлади. Машғулотларда 25,5 минг шахсий таркиб иштирок этмоқда. Бу ҳақда Туркия Мудофаа вазирлиги матбуот хизматига таяниб, «Korrespondent.net» хабар берди.
«Денизкурду-2021 ўқув машғулотлари яхши ўтмоқда. Машғулотнинг биринчи кунида қирғоқ қўшинларини тайёрлаш, денгизда ҳаракатланиш ва ўт очиш амалиёти бажарилди», — дейилади хабарда.
Таъкидланишича, машғулотларда 132 та кема, 10 та сувости кемаси, 43 та самолёт, 28 та вертолёт ва 14 та учувчисиз учар қурилма иштирок этмоқда. Машғулотлар давомида қуруқлик ва ҳаво кучлари бўлинмаларидан ташқари, 10 та давлат идораси ва Туркиянинг Қизил ярим ой ташкилоти билан ўзаро ҳамкорликда иш олиб борилмоқда.
Денизкурду-2021 ўқув машғулотлари стратегик даражадаги операцияга тайёргарлик элементларини ўз ичига олади. Машғулотнинг якуний босқичида 83 та кема Эгей ва Шарқий Ўрта Ер денгизидаги 22 та бандаргоҳга ташриф буюради.
Шунингдек, машқлар давомида SIDA денгиз жанговар учар қурилмаси синовдан ўтказилди, у биринчи уринишдаёқ муваффақиятли ўт очиб, нишонга зарба берди.
Машғулотлар 5 июнгача давом этади.
https://twitter.com/tcsavunma/status/1397812153143410688
Мавзуга доир:
- АҚШ бомбардимончи самолёти Болтиқ денгизи устидан ҳақиқий авиабомбаларни олиб ўтгани маълум қилинди
- Қримда Россиянинг 10 мингдан ортиқ аскари иштирокида ҳарбий машғулотлар бошланди (видео)
- Озарбайжон Арманистон билан чегарадаги кескинлик фонида ҳарбий машғулотлар ўтказишни бошлади
- Россия Арктикада йирик ҳарбий машғулотларни бошлади
Изоҳ (0)