Машҳурликка эришиши кутилмаган тарзда юз берган ва бунга харид учун дўконга боргани сабаб бўлган юлдузлар ҳақида маълумот бериб ўтамиз.
Карли Кросс
Карли берган интервьюлардан бирида моделлик карьераси истеъдодлиларни қидирувчи киши уни Сент-Луисдаги савдо марказида кўриб қолганидан кейин бошланганини маълум қилган. Бу вақт Карли 13 ёшда бўлган.
Адриана Лима
Адриана ҳам 13 ёшида савдо марказида эътибор жалб қилган. Орадан икки йил ўтиб у Бразилия супермодели танловида ғолибликни қўлга киритган.
Чарли Ҳаннем
Актёр карьераси шопинг билан бошланганини тан олган. Англиядаги савдо марказларидан бирида пойабзал харид қилаётган вақти телевизион шоу менежери ҳам айланиб юрган бўлган. Аёл унинг олдига келиб актёрлик қилишни истайсанми, деб савол берган. Шу йўсинда кинога қадам қўйган актёр бир қанча эсда қоларли фильмларда, хусусан, «Қирол Артурнинг қиличи» фильмида ҳам суратга тушган.
Ҳейли Жоэл Осмент
Калифорниянинг Бербанк шаҳридаги IKEA дўконидаги кастинг вақтида кириб қолган Ҳейли жамоа эътиборини тортган. Шундан икки ҳафта ўтиб Pizza Hut рекламасида суратга тушган. Бора-бора тижорий роликлардан ташқари йирик Голливуд лойиҳаларида ҳам иштирок эта бошлаган.
Жордан Данн
16 яшар Жордан Лондондаги Primark супермаркетида мода агентларидан бирининг назарига тушган. Шундан кейин Calvin Klein, YSL, Burberry, Victoria’s Secret ва бошқа кўплаб брендлар билан ҳамкорликда фаолият юритган.
Изоҳ (0)