Маромига етказиб ижро этилгани учун «Оскар» олиб келган образлар (фото)

Мухлислар қалбидан жой олган машҳур актёр ва актрисаларнинг айнан қайси фильмдаги ижроси Америка киноакадемияситомонидан мукофотга лойиқ топилгани ҳақида маълумот бериб ўтамиз.

Кейт Бланшетт

2005 йил актриса «Авиатор» фильмидаги Кетрин Хепберн ижроси учун «Энг яхши иккинчи даражали актриса» сифатида «Оскар»га сазовор бўлган. 2014 йилда эса «Жасмин» фильмидаги миллионернинг рафиқасини гавдалантиргани «Энг яхши рол ижрочиси» сифатида «Оскар» берилишига сабаб бўлган.

Энтони Хопкинс

1992 йилда «Қўзиларнинг сукунати» фильмидаги психиатр Ганнибал Лектер ижроси сабаб «Оскар» мукофотини «Энг яхши актёр» сифатида қўлга киритган Энтонининг 2021 йилги тақдирлаш маросимида ҳам шу йўналишда энг яхши деб топилишга «Ота» фильмида деменсиядан азият чекаётган қарияни гавдалантиргани сабаб бўлган.

Хилари Суэнк

Актриса «Йигитлар йиғламайди» фильмидаги роли сабаб 2000 йилги тақдирлаш маросимида «Энг яхши актриса» сифатида мукофотни қўлга киритган. 2005 йилги ҳам худди шу йўналиш бўйича энг яхши деб топилиб, «Оскар»га эга бўлган ва бунга «Million Dollar Baby» фильмидаги ижроси сабаб бўлган.

Сандра Буллок

Сандра «Меҳр ҳудуди» фильмида афроамерикалик ўсмир болани қарамоғига олган аёл ижроси боис «Энг яхши актриса» сифатида «Оскар»га эга бўлган.

Риз Уизерспун

Ризнинг «Walk the line» фильмида хонанда Жонни Кешнинг иккинчи рафиқаси Жун Картерни гавдалантиргани унинг 2006 йилги «Оскар» тақдирлаш маросимида «Энг яхши актриса» деб топилишига сабаб бўлган.

Роберт Де Ниро 

Роберт 1975 йилда «Чўқинтирган ота-2» фильмидаги ижроси сабаб «Энг яхши иккинчи даражали актёр», 1981 йилда «Рагинг Булл» фильмидаги ижроси боис эса «Энг яхши актёр» сифатида «Оскар»га сазовор бўлган.

Колин Ферт

Колиннинг «Қирол нутқи» фильмидаги логопед ёрдамида нутқидаги нуқсонни бартараф қилишга уринадиган Буюк Британия қироли — Жорж VI роли унга «Энг яхши актёр» сифатида «Оскар» олиб келган.

Мерил Стрип

Мерил 1980 йилда «Крамер Крамерга қарши» фильми учун «Энг яхши иккинчи даражали актриса», 1983 йилда «Софининг танлови» фильмидаги ижроси ва 2012 йилда «Темир хоним»даги роли учун эса «Энг яхши актриса» сифатида «Оскар» мукофоти билан тақдирланган.

Николь Кидман

Актриса «Соатлар» фильмида машҳур инглиз ёзувчиси Виржиния Вулф образини гавдалантиргани «Энг яхши актриса» сифатида «Оскар»га лойиқ топилишига сабабчи бўлган.

Том Хэнкс

Том 2 марта — 1994 йилда «Филаделфия» фильмидаги юрист роли, 1995 йилда «Форрест Гамп» фильмидаги бош қаҳрамон ижроси сабаб «Энг яхши актёр» сифатида «Оскар»ни қўлга киритган.

Жек Николсон

Жек «Какку уяси узра парвоз» фильмидаги Рендли Патрик Макмерфи роли сабаб «Энг яхши актёр» номинацияси бўйича, 1984 йилда «Endearment Terms» фильмидаги фазогирни гавдалантиргани сабаб «Энг яхши иккинчи даражали актёр», шунингдек, 1988 йил «Бундан яхшиси бўлмайди» фильмидаги ёзувчи Мелвин Юделлани ижро қилгани учун «Энг яхши актёр» сифатида «Оскар»га эга бўлган.

Кристоф Валс

2010 йилда «Шарафсиз ваҳшийлар» фильмидаги ижроси учун «Энг яхши актёр» сифатида эътироф қилинган актёр 2013 йилда «Озод қилинган Жанго» фильмидаги роли сабаб «Энг яхши иккинчи даражали актёр» деб топилган.

Мэттью Макконахи

Актёр «Даллас харидорлар клуби» фильмидаги роли учун 2014 йилги тақдирлаш маросимида «Энг яхши актёр» сифатида мукофотни қўлга киритган.

Эдди Редмейн

Эдди «Стивен Ҳокинг коиноти» фильмида бош қаҳрамон ролини гавдалантиргани учун 2015 йилги тақдирлаш маросимида «Энг яхши актёр» сифатида «Оскар»га эга бўлган.

Жулия Робертс

Реал воқеалар асосида суратга олинган «Эрин Брокович» фильмида шаҳар аҳолиси ҳуқуқларини ҳимоя қилиб, йирик корпорацияга қарши чиқадиган собиқ гўзаллик танлови ғолиби — Эрин ролини гавдалантиргани сабаб Жулия 2001 йилда «Энг яхши актриса» сифатида «Оскар»ни қўлга киритган.

Френсис Макдорманд

Френсис уч марта —1997 йилда «Фарго» фильмидаги роли, 2018 йилда «Миссури, Эббинг чегарасидаги учта реклама тахтаси» фильмидаги ҳақиқат қидирадиган она ижроси ва 2021 йилда «Кўчманчилар ўлкаси» фильмидаги ишидан айрилиб, бутун шаҳар бўйлаб фургонда сафарга отланган аёл образи учун «Энг яхши актриса» сифатида «Оскар»га лойиқ кўрилган.

Кейт Уинслет

«Китобхон» фильмидаги Германия шаҳарларидан бирида трамвай кондуктори бўлиб ишлайдиган аёл — Ҳанна Шмитс ижроси Кейтнинг 2009 йилда «Энг яхши актриса» сифатида «Оскар»га сазовор бўлишига сабабчи бўлган.