Сальма Хайек коронавирусни бошдан кечирганини сир сақлаган. Қайд қилинишича, пандемиянинг бошланишида касалланган актрисанинг аҳволи бирданига ёмонлашган. «Аҳволим ёмонлигидан шифокорим шифохонага боришимни илтимос қилди. Мен унга уйда ўлганим яхшилигини айтдим», — дейди у.
Актриса уйининг хоналаридан бирига қамалиб, у ерда 7 ҳафта вақтини ўтказган. Вақт ўтиши билан аҳволи янада ёмонлашганидан кейин тиббиёт ходимларига мурожаат қилиши ҳамда кислородли ниқобдан фойдаланишига тўғри келган. Касалликдан кейин ўзига келишига икки ҳафта вақт кетган.
Қолаверса, айни вақтда ҳам коронавирусдан кейинги асоратлар уни безовта қилмоқда. Нафас олишида қийинчилик юзага келиши ва тез чарчаб қолишига қарамай, аллақачон суратга олиш майдончасига қайтган.
У айни вақтда Ридли Скоттнинг «Гуччи уйи» фильмида суратга тушмоқда.
Variety нашрига берган интервьюсида у коронавирусдан кейинги зўриқиш оғирлик қилаётгани сабаб, суратга олиш ишларида узоқ вақт давомида иштирок эта олмаётганини маълум қилган.
Мавзуга доир:
- Билл Гейтсдан Арнольд Шварсенеггергача: коронавирусга қарши эмланган машҳурлар (фото)
- Дэвид ва Виктория Бекҳэм коронавирусни бошдан кечиргани маълум бўлди
- Роберт Паттинсонда коронавирус аниқланди. «Бетмен» фильмининг суратга олиш жараёни яна тўхтатилди
- Дунёнинг энг кўп ҳақ тўланадиган актёри Дуэйн Жонсон ва унинг оила аъзолари коронавирусни бошдан кечирди
- Испаниялик таниқли актёр Антонио Бандерас коронавирусга чалинди
- Россиялик хонанда Анита Сойда коронавирус аниқланди
- Коронавирус юқтириб олган машҳурлар (фото)
Изоҳ (0)