Мода оламида ўз ўрнига эга, гўзал моделлар сочлар қалин ва соғлом бўлиши учун нималар қилиши ҳақида маълумот бериб ўтамиз.
Жизель Бюндхен
Жизель исталган вақтда сочларига намлантирувчи ниқоб қилишни яхши кўради. Дам олиш кунлари эса ниқоб суртилган сочларини тепадан йиғиб олиб соатлаб юриши мумкин. У сочларни, айниқса самолётдаги парвоз вақти ҳимоя қилиш кераклигини таъкидлайди. Гап шундаки, тери учун ҳаво 60 фоиз нам бўлиши керак, аммо самолёт бортида намлик 20 фоизни ташкил этади. Айнан шу сабаб ҳам парвоз олдидан Бюндхен сочларига ниқоб суртиб, устидан ипак матосидан тикилган рўмол ўраб олади.
Ирина Шейк
Суратларда сочлари жилокор кўринадиган Шейк номига қуритилган нам сочларига исталган ниқоб суртиб, устидан фольга қоғоз билан ўраб қўяди. Модель соҳил ёки кўчада бундай кўриниш беришдан чўчимайди. Иссиқлик таъсирида фольга янада яхшироқ қизиб, фойдали воситаларни яхшироқ сингишига ёрдам беради.
Жижи Ҳадид
Модель тренд қандай бўлишидан қатъи назар сочларини йилига икки мартадан кўп бўямайди. Кўпи билан ранг берадиган, ювиб ташланадиган спрейлардан фойдаланади. Шунингдек, сочларини парвариш қилиш учун жиддий қоидаларга амал қилади — сиёҳранг шампунь, соч дазмолини паст ҳароратда ва фойдали зардоблардан фойдаланади.
Марта Хант
Гўзал ва жозибали Марта ҳам сочларига ортиқча пул сарфламайди. Тухумнинг оқи, рўзмаринёғидан икки қошиқдан қўшиб тайёрланадиган оқсилга бой ниқоб, унинг сочларини қалин ва силлиқ бўлишига ёрдам беради. Нам сочларига суртган ниқобни ярим соатдан кейин ювиб ташлайди.
Белла Ҳадид
Белла сочлар учун ипак матосидан тикилган ёстиқ жилдларидан яхшиси йўқлигини таъкидлайди. Уйқу вақтида ёстиққа ишқалангани ҳисобига соч толалари шикастланиши мумкин. Ипак матосидан тикилган ёстиқ жилдида эса бу ҳолат унчалик кучли кузатилмайди, аксинча янада жилокор бўлади.
Изоҳ (0)