Бошқа косметик воситалар сингари атирларнинг ҳам асли ва қалбакиси бўлади. Алданиб қолмаслик ва бренддан олдим деб пулни кўкка совурмаслик учун харид вақтида эътиборли бўлиш лозим.
Қадоқни кўздан кечиринг
Асл атирларнинг целлофани ҳеч қачон елим ёрдамида ёпиштирилган бўлмайди, қиздириш йўли билан амалга оширилгани учун чоклари бир текисда бўлади. Қутининг устки ёки пастки қисмида наклейка кўринишида тўртбурчак ёки думалоқ муҳр бўлиши лозим.
Штрих-код
Штрих-код ишлаб чиқарилган мамлакат кодига тўғри келиши керак. Ҳақиқий Француз атири ҳеч қачон Хитой ёки Бангладешда лицензия асосида шишаларга солинмайди. Асосий ишлаб чиқарувчи мамлакатларнинг штрих-кодларининг биринчи рақамларини билиб қўйганингиз яхши: Франция — 30-37, Италия — 80-83, Буюк Британия — 50, Германия — 400-440, Испания — 84, АҚШ ва Канада — 00-09.
Партиянинг серия рақами
Ҳақиқий атир флаконида «Eau de Toilette, 50 ml» га ўхшаш наклейка, унда эса серия рақами ёзилган бўлади. Бренддан келиб чиқиб бу бир нечта рақам ёки рақам ва ҳарфлардан иборат бўлади. Бу рақам картонли қадоқда ҳам бўлиши керак. Асл атирларда ҳар икки рақам бир-бирга тўғри келади.
Қути ичида картон
Сохта атирларда ҳам картон бўлиши мумкин, аммо одатда ҳақиқий атирларда флакон қутига қадалиб қолмаслиги учун шундай қилинади. Бу майда кўрилган деталга сохта атир ишлаб чиқарувчилар аксарият ҳолларда ортиқча маблағ сарфлашни истамайди.
Ишлаб чиқарилган мамлакат
Асл атирлар картон қутиси устига одатда майда қилиб «Made in France» ёки «Made in Italy» деб ёзиб қўйилади. «Paris—London—New-York» га ўхшаш ёзувлар шубҳаланишга сабаб бўла олади.
Қадоқ устидаги маълумотларни диққат билан ўқинг
Асл атирларда майда ёзув билан ишлаб чиқарилган санаси ва яроқлилик муддати ва таркиби ёзилган бўлади. Сохта атир ишлаб чиқарувчилар эса бундай батафсил маълумот бериш шарт эмас деб ҳисоблайди.
Нархи
Асл атир ҳеч қачон ўз нархидан икки-уч баробар арзон бўлиши мумкинлигини инобатга олиб, акцияларга ишонмаслик тавсия қилинади.
Изоҳ (0)