Оддий ва таниш бўлган нарсалар соғлиқ учун хавфли бўлиши мумкин. Бунга фақатгина сифатсиз буюмлар эмас, балки улар тайёрланадиган материал туфайли ҳам юз беради. Ҳар бир инсон уйида ушбу махфий зараркунандаларни текшириши ва имкон қадар тезроқ улардан фойдаланишда эътиборли бўлиши керак.
Катта юмшоқ диван
Диван аслида дўст эмас, балки сирли душмандир. У нафақат фаолиятни камайтириши, шунингдек, ҳаракатсиз турмуш тарзига ўргатиши ҳам мумкин. Кўпгина мутахассислар юмшоқ мебеллар ва ҳаттоки матрасларни турли хил саратон касалликларини ривожланишига туртки берадиган махсус восита деб ҳисоблайди. Бундан ташқари, унда йиғиладиган чанг энг кўп учрайдиган ўнта энг хавфли кимёвий моддалар рўйхатига киритилган. Агар кимёвий моддалар юмшоқ мебелларни ишлаб чиқаришда ишлатилган бўлса, севимли диван ва креслоларни мунтазам равишда чуқур тозалашга ҳаракат қилиш лозим.
Гилам ва пардалар
Хонадонда кимдир тамаки чекса, чанг йиғувчилар, албатта, парда ва гиламлардир. Шундан сўнг улар чиндан ҳам хавфли бўлиши мумкин. Ҳақиқат шундаки, улар тезда тамаки тутунини ўзида тўплайди, бу ҳам кансероген бўлиб, ҳатто умрида чекмаган одамларда ҳам ўпка саратонини ривожланишига сабаб бўлиши мумкин. Шунинг учун квартира ичида ҳеч қачон чекишга йўл қўймаслик ва барча ахлат қутиларини мунтазам тозалаб туриш зарур.
Тери ва ёғочдан ишланган мебеллар
Ёғочдан ясалган ёки тери билан қопланган мебель буюмларини сотиб олиш вақтида хром ишлатилганлигини текшириб кўриш тавсия этилади. Ушбу элемент кансероген сифатида ҳам тан олинган ва соғлиққа салбий таъсир кўрсатиши мумкин.
Тозаловчи воситалар
Кимёвий моддалардан таркиб топган тозаловчи воситалар уйдаги энг хавфли нарсалардан биридир. Мунтазам равишда фойдаланадиган таркибни диққат билан ўрганиш жуда муҳим, хусусан формалдегидни ўз ичига олган маҳсулотлардан сақланиш керак. Ушбу хавфли кансероген косметика, тозаловчи маҳсулотлар, бўёқларда бўлиши мумкин. Шунинг учун сотиб олишдан олдин маҳсулотни диққат билан ўрганиб чиқиш зарур.
Жалюзи
Кўпинча жалюзилар фталатни ўз ичига олган пластмассадан тайёрланади, бу нафақат унумдорликни пасайтириши, балки саратон ривожланиш хавфини ҳам ошириши мумкин. Иложи бўлса, бошқа материаллардан, масалан, ёғочдан ёки матолардан ясалган пардаларга устунлик берган маъқул.
Ҳашаротларга қарши восита
Чивин ва пашшалардан, уй ҳайвонларини бургалардан ҳимоя қиладиган спрейлар таркибида пестицидлар бўлиши мумкин. Ушбу кимёвий бирикмалар ҳам кансерогенлар деб тан олинган. Саломатликни ҳимоя қилишнинг энг яхши усули бу табиий воситалардан фойдаланишдир. Аммо уларни осон йўқотишни афзал кўрадиганлар уларнинг таркибини диққат билан ўрганиб чиқиши керак.
Изоҳ (0)