Беҳуда хавотирланиш ва ташвишланишга қандай ечим топса бўлади?

Ҳаммада кузатилиши мумкин бўлган ушбу муаммодан қутилишга ёрдам берадиган усуллар ҳақида маълумот бериб ўтамиз.

Муаммо жонингизга тегмагунича у ҳақида ўйланг

Лифтга чиқишдан қўрққан одам қўрқувини енгмагунича ундан фойдаланишга ҳаракат қилиши керак. Аввалига қўрқинчли туйилади, секин қўрқув камаяди кейин эса чарчайсиз. Сизни безовта қилаётган муаммолар билан ҳам худди шундай йўл тутиш керак. 20 дақиқа давомида у ҳақида такрор ва такрор ўйланг, вақт ўтганидан кейин сизни безовта қилаётган муаммо ҳақида бошқа ўйлашни ҳам истамайсиз.

Бундан ҳам ёмонроқ бўлиши мумкинлиги ҳақида ўйланг

Қанчалик кўп назорат қилишга уринсангиз қўрқув ва хавотир кучаяверади. Бундай вақтда бундан ҳам ёмони бўлиши мумкинлиги ва шунда қандай якун бўлиши мумкинлиги ҳақида ўйланг. Воқеаларнинг энг қўрқинчли оқибатини тасаввур қилганингизда, сизни қийнаётган нарса унчалик аҳамиятга эга эмаслиги ва беҳудага ташвишланганингизни тушуниб етасиз.

Табиий ҳолат деб қабул қилинг

Тўсатдан назоратни йўқотиб, бирон аҳмоқона иш қилишингиз, атрофдагилар ёнида ўзингизни йўқотиш мумкинлиги хаёлингизга келиши мумкин. Бу ҳолат ҳамма билан юз бериши мумкинлигини ўйланг ва тинчланинг. Бу каби ўйлардан чўчиб, ўзингизни койиманг. Бу мия билан боғлиқ эканини эсда тутиб, йўлингизда давом этишдан тўхтаманг.

Сохта ваҳима

Эшикни ёпишни, дазмолни токдан олиш ҳақидаги хавотирлар шу вақтгача асоссиз бўлиб чиқиши, юрак жадаллашган юрак уриши юрак хуружидан дарак бермаслиги мумкин. Бу шунчаки тананинг хавотир ва ташвишга нисбатан табиий реакцияси бўлиши мумкин. Буни ўт ўчириш машинасининг бошқа жойга ошиқиши билан таққосланг ва аҳамиятсиз деб билиб, тинчланишга урининг.

Ўзингизни фильм томоша қилаётгандек тасаввур қилинг

Ҳар қандай вазиятга ташқаридан туриб баҳо беришга ҳаракат қилинг. Тасаввур қилинг: бўлаётган ҳодисаларнинг бари экранда содир бўлмоқда, сиз эса буларнинг барини кинотеатрда қўлингизга поп-корн билан томоша қиляпсиз. Бу бир инсон ҳаёти ҳақидаги фильм, давоми нима бўлишини вақт кўрсатади.

Бу ҳақида кейинроқ ўйлаб кўринг

Аксарият ҳолларда хавотирланишга арзийдиган нарса ҳақида ўша вақтнинг ўзида ўйлашга ва бош қотиришга ҳаракат қиламиз. Банд эканимизда телефонга хабар келса, уни қачон бўшаганимизда очиб ўқиганимиз сингари хавотирли ўйларга нисбатан ҳам шундай ёндашишимиз керак. Масалан, эрталабдан нимадандир безовталансангиз бу ҳақида ўйлашга вақтим бор деб кейинга қолдиринг. Вақт ўтиб хаёлингизда келганида муаммо ўз аҳамиятини йўқотади, кунингиз эса ташвиш ва хавотирсиз ўтади.

Ҳамма нарсани назорат қила олмаслигингизни англанг

Об-ҳаво маълумоти, йўлдаги вазиятни мунтазам равишда кузатиб борадиган, ижтимоий тармоқлардаги ёқимсиз пост ва изоҳларини ўчириб борадиган кишилар бошқариб бўлмайдиган нарсаларни назорат қилмоқчи бўладиган кишилар тоифасига киради. Ўзингизга босим қилманг, унутманг ҳамма нарса назоратингизда бўлиши имконсиз. Ўз ҳолига ташлаб қўйсангиз, кўпроқ ишончни ҳис қила бошлайсиз.

Нафас олинг

Нафас етишмаганда инсон танасида зўриқиш кузатилади. Нафас олишга эътибор бериш оддий, аммо тинчланишга ёрдам берадиган самарали усул ҳисобланади. Тўғри ва тўйиб нафас олишга ҳаракат қилинг, ҳаво ўпкангизни тўлдираётганини ҳис қилинг.

Муаммони вақтга ташланг

Қаттиқ асабийлашиш, бирон нимадан ташвишланиш вақтинча эканини эсда тутинг. Ҳар қандай қўрқув сизни бир умр таъқиб қилмаслиги, ҳар қандай муаммо бугун ёки эрта ниҳоясига етиши ва бироз муддатдан кейин ўз аҳамиятини йўқотишини эсда тутинг. Сизни безовта қилаётган нарса ҳақида бир ҳафта, ой ёки йилдан кейин нима деб ўйлашингиз мумкинлиги, ўшанда ҳам шунчалик муҳим бўлиши ёки йўқлиги ҳақида фикрланг.

Ваҳима ва ташвишлар яшашингизга халал беришига қўйиб берманг

Ҳаммаси ўтиб кетади, аммо беҳуда асабийлашганингиз оқибатида уйқусиз тунлар ва саломатлик билан боғлиқ орттирилган муаммолар қолади. Ўзингизни асосийси асабларингизни асранг.