Кир ювишда энг кўп учрайдиган хатолар

Мато туридан қатъи назар, кийимлар узоқроқ хизмат қилиши учун бир қанча тавсияларга амал қилиш лозим. Кир ювишда энг кўп учрайдиган хатолар ҳақида гаплашамиз.

Кир ювиш кукунини кўп миқдорда солманг

Аксарият одамлар кукунни нотўғри ишлатишади ва талаб қилинадиган миқдорнинг деярли икки баробарини солишади. Натижада кукун матоларда ёмон ювилади, чок ва бурмалар ичида қолади, яхши чайилмайди. Бу кийимларни яхши ювилишига ёрдам бермаслигидан ташқари кир ювиш кукунига ортиқча пул сарфлаганингиз қолади.

Доғларни кетказиш учун қўшимча куч сарфламанг

Кийимни қанча кўп ишқаласангиз, тешилиб қолиши мумкин. Жуда кучли ювиш ва ишқалаш матони юпқалаштиради ва кийим ҳолатини бузади.

Фақатгина рангларга қараб сараламанг

Кир ювишда қорани оқдан ва рангли матолардан ажратиш керак. Аммо кирларни мато турига қараб ажратиш ҳам яхши самара беради.

Кийим илгичларнинг яхшисини олинг

Юбка ва шимлар учун ғижим қилмайдиган махсус кийим илгичлар мавжуд. Бу сизни тез-тез дазмоллашдан қутқаради, чунки дазмоллаган сари мато сифати ёмонлашади. Юмшоқ свитерлар учун ёстиқли юмшоқ илгичлар ҳам мавжуд, улардан фойдаланганда жун мато осилиб, елкаси чўзилиб кетмайди.

Сочиқдан фойдаланинг

Агар қўлда ювишни талаб қиладиган нозик нарсаларни сиқишингиз керак бўлса, қуруқ, уни тоза сочиққа қўйинг, уни ўраб ва асталик билан босинг. Сочиқ ортиқча намликни ютади ва матода ғижимлар камроқ бўлади. Бундан ташқари, нозик матолардан тикилган кийимлар ўз шаклини йўқотмайди.

Кир ювиш машинасига ортиқча кир солманг

Биринчидан, бу билан машинанинг ишлаш муддатини қисқартирасиз, техника подшипники тезроқ эскиради. Иккинчидан, кирлар ҳам ўралашиб, кийимлар тез йиртиладиган бўлиб қолади.

Колготка ва голфиларни махсус қопчада ювинг

Бундай нарсаларни бошқа кирлар билан ювиш машинада иплар қолиб кетишига сабаб бўлади. Ювиш учун махсус қопчалар голфиларни тешилиб қолишидан ҳимоя қилади. Шунингдек, чақалоқлар пайпоқларини ҳам қопчада ювиш керак. Кир ювиш машинаси бузилишининг энг кўп учрайдиган сабаби бу барабан ва машина корпуси орасига тиқилиб қолган болалар пайпоқлари бўлади.

Кир ювиш машинасини тозалашни унутманг

Кир ювиб бўлгандан кейин ёқимсиз ҳид пайдо бўлишининг олдини олиш учун машинани тозалашни унутманг. Кукун солинувчи қисмини яхшилаб ювинг, барабаннинг резина тасмасини артинг ва ҳар 4 ойда бир марта кир солмасдан тўлиқ ювиш циклида ишлатинг.