Ижтимоий тармоқларда кучли шамол пойтахт ерусти метро бекатларидан бирининг том қисмларини учириб юборгани акс этган видео тарқалди. Тошкент метрополитени матбуот хизмати ҳолат юзасидан маълумот берди, дея хабар қилмоқда «Repost».

Кадр: Telegram

Таъкидланишича, 20 май куни юз берган кучли шамол 4 квадрат метр профнастил ва 17 квадрат метр қоплама материални учириб юборган. Ҳодиса ҳалқа йўлининг Тузел станциясида содир бўлган.

Метро бекатининг ичи ҳеч қандай зарар кўрмаган, бекатдаги йўловчиларга бирор шикаст етмаган. Ҳодиса шунингдек, поездлар ҳаракати ва ҳаракат жадвалига таъсир кўрсатмаган.

Бундан аввал Сергели метросидаги бекатлардан бири 14 дақиқага электр таъминотидан узилиб қолгани, Тошкент метросининг барча йўналишлари 21 майдан бошлаб фақат 23:00 гача ишлаши ҳамда Тошкент метросининг «Амир Темур хиёбони» бекатида барча йўловчилар тушириб юборилганига изоҳ берилгани ҳақида хабар берилганди.