Ўзбекистон Транспорт вазирлигида 19–20 май кунлари БАА авиация маъмурияти вакиллари билан ўтказилган учрашувда икки мамлакат ўртасида парвозлар частотасини кўпайтириш, янги йўналишларда авиақатновларни йўлга қўйиш масалалари муҳокама қилинди.
Маслаҳатлашувлар якунлари бўйича эришилган келишувларга кўра, FlyDubai авиакомпанияси Дубай—Тошкент—Дубай йўналишида парвозлар частотасини ҳафтасига 5 тадан 6 та рейсга оширади.
Air Arabia PJSC эса Шаржа–Тошкент–Шаржа йўналишида парвозлар частотасини ҳафтасига 2 тадан 3 та рейсга кўпайтиради.
Air Arabia Abu Dhabi авиакомпанияси Абу-Даби—Тошкент—Абу-Даби йўналишида парвозларни ҳафтасига 2 тадан 4 тага оширади.
Шунингдек, Wizz Air Abu Dhabi авиакомпаниясига Бухоро ва Урганч шаҳарларига парвозларни амалга ошириш ҳуқуқи берилди.
Бундан аввал Uzbekistan Airways АЖ Японияга рейсларни вақтинча бекор қилаётгани, Саудия Арабистонининг Флйнас авиакомпанияси Ўзбекистонга мунтазам қатновларни амалга оширишни режалаштирилаётгани ҳамда Uzbekistan Airways Сурхондарёдан Фарғонага мунтазам авиақатновларни йўлга қўйгани ҳақида хабар берилганди.
Изоҳ (0)