Футбол бўйича Англия Премьер Лигасининг 37-туридан ўрин олган ўйинда «Арсенал» 19 май, чоршанба куни «Кристал Пэлас» билан тўқнаш келди.
Учрашувда умумий ҳисобда 4 та гол урилди. 35-дақиқада Николя Пепе «Арсенал»ни ҳисобда олдинга олиб чиқди. 62-дақиқада Кристиан Бентеке мувозанатни тиклашга муваффақ бўлганди. Аммо 90+1 ва 90+5-дақиқаларда «тўпчилар» кетма-кет икки бор рақиб дарвозасини ишғол этди ва ғалабани ўз томонига оғдириб олди. Пепе дублни расмийлаштирган бўлса, Габриэль Мартинелли ҳам ўз номини таблога ёздириб қўйди.
Мазкур ғалабадан кейин «Арсенал»нинг очколари 58 тага етди ва 9-ўринга кўтарилди. «Кристал Пэлас» (44) 13-поғонани банд этган.
АПЛ
37-тур баҳси
19 май, чоршанба
«Кристал Пэлас» — «Арсенал» 1:3
Голлар: 0:1 – 35 Пепе, 1:1 – 62 Бентеке, 1:2 – 90+1 Мартинелли, 1:3 – 90+5 Пепе.«Кристал Пэлас»: Гуаита, Кейҳилл, Томкинс, Митчелл, Уорд, Куяте, Шлупп, Таунсенд, Маккарти (Ридевалд, 82), Заа, Бентеке (Айю, 79).
«Арсенал»: Лено, Тирни (Жака, 78), Чемберс, Ҳолдинг, Габриэль, Смит Роу, Сака (Эдегор, 65), эн-Ненни, Парти (Мартинелли, 78), Пепе, Обамеянг.
Огоҳлантиришлар: Шлупп (5), эн-Ненни (37), Бентеке (37).
Изоҳ (0)