«Барселона» президенти Хоан Лапорта клубни олдинда кутиб турган ўзгаришлар ҳақида гапирди.
Мен вазиятни мавсум сўнгида натижалар ва иштирокни таҳлил қилган ҳолда баҳолашимни айтгандим. Биз кубокни ютиб олдик ва бундан ғурурланамиз, бироқ Чемпионлар Лигасидан чиқиб кетдик, Ла Лига эса тушунарсиз сабабларга кўра бой берилди.Лапорта март ойида ўтказилган сайловларда рақобатчиларини катта фарқ билан ортда қолдирган ҳолда клуб президентлигига сайланди.Кейинги ҳафтадан бошлаб сиз кўплаб қарорлар қабул қилинишига гувоҳ бўласиз. Биз уларга шарҳ бериб борамиз. Кўп меҳнат қилишимиз керак. «Барселона»да миллий мусобақалар ва Чемпионлар Лигаси учун рақобатбардош жамоа бўлиши лозим.
Бу даврнинг якунланиши. Бу гапларни муҳим бўлгани учун айтяпман.
Хоан Лапорта, «Барселона» президенти
Лапорта 2003—2010 йиллар мобайнида «Барселона»га раҳбарлик қилган. Бу вақт давомида клуб тўрт марта Ла Лигада ва икки бор Чемпионлар Лигасида ғолиб чиқди. Бу вақт оралиғида жамоа умумий миқдорда 12 та совринга эга чиққанди. 2009 йилда «Барселона» тўққизта совринга эга чиқиб, жаҳон рекордини ўрнатганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)