«Ўзбекистон темир йўллари» 2021 йилнинг 1-чораги якунлари бўйича 95,6 миллиард сўм зарар кўрганини маълум қилди. Бу ҳақда Корпоратив ахборот ягона порталида эълон қилинган ҳисоботга таяниб, Spot хабар берди.
Компания жорий йилда ўз ўрнини яхшилашга муваффақ бўлган — 2020 йилнинг мос даврида зарар бундан салкам 10 миллиард сўмга кўпроқни ташкил этганди. 2021 йилнинг дастлабки уч ойидаги соф фойда 2,3 триллион сўмни ташкил этган, ялпи фойда — 1,6 триллион сўм.
Харажатлар 297,6 миллиард сўмга етган (227,5 миллиард сўм эди), асосий фаолиятдан даромад 671,9 миллиард сўмдан 512 миллиард сўмга қадар тушган. Молиявий фаолиятдан келадиган даромадлар икки баробардан ортиққа ўсган — 153,5 миллиард сўмдан 331,7 миллиард сўмга.
Компания 2020 йилда 22,6 миллиард сўм солиқ тўлаган бўлса, жорий йилда бу 21,2 миллиард сўмни ташкил этди.
Аввалроқ Давлат активларини бошқариш агентлиги Ўзбекистонда 2020 йил якуни бўйича энг кўп фойда ва зарар кўрган 10 та корхона рўйхатини эълон қилганди. Рўйхатга 3,5 триллион сўм зарар билан «Ўзстрансгаз» компанияси бошчилик қилган.
Изоҳ (0)