Президент матбуот котиби Шерзод Асадов 17 май, душанба куни ўтказилган брифингда давлат раҳбарининг шу ҳафтадаги иш графигига киритилган муҳим тадбирлар ҳақида маълумот берди, дея хабар қилмоқда «Дарё» мухбири.
«Бу ҳафтада ҳам муҳим тадбирларимиз кўп. Хусусан, техник жиҳатдан тартибга солиш, стандартлаштириш, сертификатлаш ва метрология тизимини такомиллаштириш юзасидан тақдимот бўлиб ўтади. Шунингдек, соғлиқни сақлаш соҳасидаги ислоҳотларнинг самарадорлигини ошириш ва рақамлаштириш жараёнларини жадаллаштириш юзасидан видеоселектор ҳамда кўп квартирали уй-жойларга хизмат кўрсатиш тизимини такомиллаштириш чора-тадбирлари бўйича йиғилиш ўтказилиши режалаштирилган.
Давлатимиз раҳбари Жаҳон банки президентининг Европа ва Марказий Осиё бўйича ўринбосари Анна Бердени қабул қилади.
Бундан ташқари, Олий Евросиё иқтисодий кенгашининг навбатдаги йиғилишида иштирок этади.
Ушбу брифинг ўтказилаётган айни дақиқаларда Президентимиз Қозоғистон президенти Қосим-Жўмарт Тўқаев билан телефон орқали мулоқот қилмоқда. Бу тадбирлар ҳақида яна қўшимча хабар берамиз», — деди Асадов.
Изоҳ (0)