Сўнгги дақиқаларда «Ливерпуль»нинг ғалаба голини урган Алиссон АПЛ тарихига кирди

«Ливерпуль» дарвозабони Алиссон Беккер Премьер Лига 36-тури доирасида «Вест Бромвич»га қарши кечган баҳсда (2:1) жамоасининг ғалаба тўпини киритди.

Алиссон Премьер Лига тарихида гол урган олтинчи дарвозабон бўлди. Унга қадар Асмир Бегович (2013 йил), Тим Ҳовард (2012), Пол Робинсон (2007), Бред Фридел (2004) ва Петер Шмейхель (2001) бу натижани қайд этганди.

Бразилиялик футболчи АПЛ ўйинида ғалаба тўпини киритган ва бош билан гол урган илк дарвозабон бўлди.

Шунингдек, у «Ливерпуль»нинг расмий ўйинларида гол урган дастлабки дарвозабонга айланди.