Бир ҳафтадан бери Фаластин—Исроил можароси 2014 йилдан буён кенг кўламда авж олмоқда. 15—16 май кунлари ҲАМАС Исроилни ракета билан ўққа тутишни давом эттирди, ўз навбатида Исроил ҳарбий самолётлари Ғазо секторига янги ҳаво ҳужумларини бошлади. Исроил ҳарбийларининг хабарларига кўра, зарбалар ҲАМАС раҳбарларининг уйларига берилган. Шунингдек, Исроил Ғазода Associated Press ва Al-Jazeera бюролари жойлашган кўп қаватли бинони вайрон қилди ва буни бинонинг айрим қисмлари ҲАМАС томонидан фойдаланилгани билан изоҳлади. Бинонинг ўққа тутилиши натижасида ҳеч ким жабрланмади: ракета ташлашдан тахминан бир соат олдин Исроил ҳарбийлари бино эгасини ҳужум ҳақида огоҳлантирган.

Фаластин Соғлиқни сақлаш вазирлиги хабарига кўра, 16 май куни Ғазода камида 42 киши, жумладан, 10 нафар бола ўлдирилган. Можаро бошланганидан бери эса 188 киши ҳалок бўлган, уларнинг 55 нафари болалар. Исроилда бир ҳафта ичида 10 киши ҳалок бўлган. Улардан иккитаси ёш болалар.

Исроилнинг «Темир гумбаз» ракетага қарши мудофаа тизими (чапда) ҲАМАС томонидан отилган (ўнгда) ракеталарни тутиб қолмоқда.

Фото: AFP

Исроилнинг авиазарбалари туфайли Ғазода келиб чиққан ёнғин тутуни осмонга кўтарилмоқда

Фото: AFP

Исроилнинг Тель-Авив яқинидаги Рамат Ган шаҳрида вайрон қилинган бинолар ёнидан ўтаётган ўткинчлар

Фото: AFP

Исроил хавфсизлик хизмати ходимлари Ашкелон шаҳридаги ракета урилган ибодатхонани кўздан кечирмоқда

Фото: AP Photo

Исроил хавфсизлик хизмати ходимлари Ашкелон шаҳрида ракета ҳужумидан сўнг текширув ўтказмоқда

Фото: AFP

Исроил ўт ўчирувчиси Ғазо билан чегарада ҲАМАСнинг ракета ҳужумлари натижасида келиб чиққан ёнғинга қарши курашмоқда

Фото: AFP

Исроил ҳаво ҳужуми натижасида Ғазодаги Associated Press ва Al-Jazeera бюролари жойлашган кўп қаватли бино қуламоқда

Фото: EPA

Ғазода қутқарувчилар Исроил авиазарбалари туфайли вайрон бўлган бинолар остида қолганларни қидирмоқда

Фото: EPA

Исроил ҳаво ҳужумларидан сўнг Ғазодаги вайрон қилинган уйдан ўзининг жароҳатланган қизини олиб чиқаётган ота

Фото: EPA

Мавзуга доир: Фото: Ғазода Исроил авиазарбалари оқибатида ҳалок бўлганлар сони 180 дан ошди, уларнинг 55 нафари болалар

Қутқарувчилар Ғазодаги вайроналар остидан жасадларни олиб чиқмоқда

Фото: Reuters

Ғазодаги вайрон бўлган бино олдида фарёд қилаётган аёл

Фото: AP Photo

Мавзуга доир: