Asus компанияси бир кристалли Qualcomm Snapdragon 888 тизими ва Android 11 операцион тизимида ишлайдиган Zenfonе 8 флагманини тақдим этди, деб хабар беради IXBT.
Смартфон 2400х1080 пикселли 5,9 дюймга тенг Samsung E4 AMOLED экранига эга бўлган — томонлар нисбати 20:9 бўлган дисплей қурилманинг олд панелини 90 фоиздан ортиқ қисмини эгаллаган. 90 герцли экранга эга Zenfonе 8 Flip’дан фарқли ўлароқ, смартфон 120 герцли янгиланиш частотаси ва 240 герцли сенсор сўрови қатлами билан жиҳозланган. Экран DSI-P3 рангли маконининг 112 фоизини, sRGB ранглар маконининг 151,9 фозини эгаллайди, ўртача ёрқинлиги 800, энг юқори ёрқинлиги эса 1100 нитни ташкил этади. Дисплей Corning Gorilla Glass Victus шишаси билан ҳимояланган, бармоқ изи сканери экран юзаси остига жойлаштирилган.
Asus Zenfonе 8 модели 6/128, 8/128/ 8/256 ҳамда 16/256 версияларда тақдим этилади. Флеш-карта ўқимайди, бироқ ташқи ташувчилар учун NFTС кўзда тутилган.
Асосий камера сифатида F/1,7 диафрагмали 64 мегапикселлга тенг Sony IMX686’дан фойдаланилган. Ушбу камера 8К сифатдаги видеоларни ёзиб олиш имконини беради. Иккинчи модуль кенг бурчакли объективга эга 12 мегапикселли сенсор 4К сифатли видеони ёзишга қодир. Фронтал камерада эса биринчи бор 12 мегапикселли Sony IMX663 сенсори қўлланилган.
Смартфон овоз кучайтирувчи иккита Cirrus Logic CS35L45 динамиклари, шунингдек, шовқин сўндириш технологияси билан жиҳозланган. Ҳимоя даражаси IP68 стандартига мос келади, аккумулятор сиғими 4000 мА/соат ва 30 ваттли тезкор қувватланиш функцияси мавжуд.
Ўлчами 148х68,5х8,9 миллиметр бўлган смартфон нархи 599 евродан бошланади.
Изоҳ (0)