«Ювентус» дарвозабони Жанлуижи Буффон фаолиятини давом эттириш борасида бир нечта таклиф олди, дея хабар қилмоқда Tuttosport.
Манбада таъкидланишича, 43 ёшли футболчига «Барселона»дан қизиқиш бор. Агар келишув амалга ошадиган бўлса, Буффон каталонларнинг захира дарвозабонига айланади.
Шунингдек, Буффон «Олимпиакос», «Динамо Киев», «Айнтрахт Ф», «Галатасарой» ва «Спортинг»дан таклиф олгани айтилмоқда.
Аввалроқ Жижи Буффон туринликлар билан 2021 йил ёзигача мўлжалланган шартномасини узайтирмаслигини ва «Ювентус»ни тарк этишини маълум қилганди.
Буффон А Серия жорий мавсумида 8 та ўйин ўтказиб, уларнинг учтасида ўз дарвозаси дахлсизлигини сақлаб қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)