Президент Шавкат Мирзиёев раислигида 12 май, чоршанба куни ўтказилган йиғилишда давлат раҳбари май—июнь ойларида оилавий тадбиркорлик дастурларига 1,6 триллион сўм маблағ ажратиш орқали камида 30 минг нафар ишчи ўрни яратиш кераклигини таъкидлади. Бу ҳақда «Дарё» мухбири хабар бермоқда.
«Масъул вазирлик ва ташкилот раҳбарлари, вилоят ҳокимлари билан бирга, паст қувватларда ишлаётган 30 мингта, шу жумладан, саноатда – 6 мингта, қурилишда – 2,5 мингта, савдо, умумий овқатланиш ва хизматлар соҳасида – 18 мингта тадбиркорлик субъектларининг фаолиятини иккинчи чоракда жонлантириш бўйича аниқ чоралар кўриши лозим.
Хусусан, Тошкент вилоятида – 6 мингта, Тошкент шаҳрида – 4,3 мингта, Андижонда – 3,7 мингта. Тадбиркорларни уйғотишимиз керак, уларнинг муаммосини ечишга ёрдам бериш зарур.
Холхўжаев, Зохидов, Икрамов, Кудбиев, вилоят ҳокимлари билан бирга, ўтган йили бошланган тажрибани давом эттирган ҳолда, ўзларига бириктирилган ҳудудларга чиқиб, жорий йил 1 июлгача ушбу корхоналарнинг муаммоларини ҳал қилишга кўмаклашади.
Бундан ташқари, Зохидов тижорат банклари билан бирга, май—июнь ойларида оилавий тадбиркорлик дастурларига 1,6 триллион сўм маблағ ажратиши, вилоят, туман ва шаҳар ҳокимлари бу орқали камида 30 минг нафар фуқарога даромад манбаи учун шароит яратиши керак.
Шунингдек, вилоят, туман ва шаҳар ҳокимлари май—июнь ойларида ҳудудий дастурлар доирасида – 13 мингта, бўш ер участкаларини сотиш орқали – 5 мингта, Бандлик, Хотин-қизлар ва Ёшлар жамғармалари ҳисобидан қўшимча 10 мингта янги иш ўринларини ташкил этиши лозим. Хусанов, Икрамов, Рафиков, Саъдуллаев, Холхўжаев ушбу топшириқлар ижросига масъул бўладилар», — деди давлат раҳбари.
Изоҳ (0)