Монополияга қарши курашиш қўмитаси томонидан пахта ёғи нархлари кескин ошгани юзасидан ўрганиш ўтказилди, дея хабар қилди қўмита матбуот хизмати.
Вазирлар Маҳкамасининг 2018 йил 25 январдаги 53-сонли қарорининг 2-бандига мувофиқ, пахтадан олинган чигит пахта-тўқимачилик ишлаб чиқариш ташкилотчиси томонидан ёғ-мой корхоналарига биржа савдолари ёки маҳсулотни қайтариш асосида сотилиш белгиланган.
Таҳлил натижаларига кўра, 2021 йил апрель ойи давомида биржа савдоларига 40 та пахта-тўқимачилик кластери томонидан техник чигит савдоларга қўйилгани ҳамда қўйилаётган техник чигитнинг бошланғич нархлари апрель ойида ўртача 38 фоизга кўтарилгани аниқланган.
Бунда, биржа савдоларида техник чигитнинг бошланғич нархларини келишиб, сунъий ошириш ва рақобат тўғрисидаги қонунчилик талаблари бузилиши аломатлари юзасидан 34 та пахта-тўқимачилик кластерига нисбатан Монополияга қарши курашиш қўмитаси томонидан иш қўзғатилган.
Мавзу доир: «Ўзбекистоннинг қатор вилоятларида ўсимлик ёғи нархи арзонлашди, бироқ Тошкентда эмас» — ИТИМ
Шунингдек, шакар ва ўсимлик ёғи нархлари нима сабабдан ошаётганига изоҳ берилгани, Шавкат Мирзиёев ўсимлик ёғи импортини ҚҚСдан озод қилиш ва унинг экспортини чеклаш тўғрисидаги қонунни имзолагани ҳамда Ўзбекистонда ўсимлик ёғи импорти ҚҚСдан озод қилинганидан сўнг қарийб икки баравар ошгани ҳақида хабар берилганди.
Изоҳ (0)