Фото: Нотўғри тональ кремни танлаб муваффақиятсиз образга эга бўлган юлдузлар

Тональ кремнинг юз терисига мосини танлай олмаслиги юлдузларнинг шарпа ёки офтоб тагида қолиб кетгандек кўриниб қолишига сабаб бўлади.

Женнифер Лопес

Аслида тўқ рангни яхши кўрадиган хонанданинг тадбирлардан бирига ўз рангидан сезиларли оч тональ крем суртиб келгани ҳайратланарли ҳодиса бўлган. Унинг образига назар ташлаб, бўянтирган вижазист бронзер ва румяна нималигини билмайди, деган хулосага келиш мумкин.

Келли Осборн

Визажистнинг тональ кремни тери рангига мослай олмагани Келлининг «Симпсонс» мультфильми қаҳрамонларига ўхшаб қолишига сабаб бўлган. Ажабланарлиси, Осборннинг бу макияжга нисбатан танбеҳ бермагани ва шундай образда оммага кўриниш берган.

Дрю Бэрримор

Бундай кўринишда Дрю «Шарпа» фильмида суратга тушиши мумкин эди. Унинг макияжига назар ташлаб, визажист тональ кремни бўйин қисмига суртишни унутгани, бунинг ҳисобига камчилик билиниб қолганини билиш мумкин.

Деми Ловато

Оч рангдаги тональ крем суртгани ҳисобига нотабиий кўринишга эга бўлган Демини ниқоб тақиб олган деб ўйлаш мумкин. Оч пушти румяна ва бронзер эса вазиятни янада ёмонлаштирган.

Бредли Купер

Тональ кремдан фақат аёллар фойдаланади деб ким айтди? Ушбу косметик воситадан шоу-бизнесда фаолият юритадиган эркаклар ҳам фойдаланиши мумкин. Бредли ҳам шундай қилган, аммо нима учундир ўзининг терисидан фарқли рангдан фойдаланган. Юзига суртилган тональ крем гўё камлик қилган, етмай қолгандек таассурот уйғотади.

Кейт Хадсон

Хадсон ҳаддан ортиқ оч тональ кремдан фойдаланиш кишини кекса ва касал кўрсатишининг исботи. Актрисанинг сочлари малла экани ҳисобига унга бироз тўқ рангли тональ крем ярашган бўларди.

Анжелина Жоли

Голливуд юлдузининг кўзлари остидаги ҳалқаларни яшириш учун консилердан ортиқча фойдалангани камчилик янада кўзга ташланишига сабаб бўлган. Бунинг устига тональ кремнинг ҳам мосини танламагани образини муваффақиятсиз чиқишига олиб келган.