Betakror ko‘rinishi bilan qanchadan qancha insonlar ko‘nglini zabt etgan yulduzlarning ayrimlari umuman boshqacha fikrda. Ular bir qancha kamchiliklari tufayli o‘zini go‘zal deb bilmaydi.

Anjelina Joli

Foto: “Lisa”

Aynan Anjelina Joli o‘z davrining ham mahoratli, ham go‘zal aktrisasi sifatida tan olingan. Taqlid qiluvchilar orasida labini xuddi aktrisanikidek bo‘lishini istab, kosmetologga murojaat qiladiganlar ham talaygina. Ammo ajablanarli tomoni shundaki, Joli hech qachon o‘zini go‘zal deb bilmaydi. U hattoki in’om etilgan lablarining o‘ta kattaligini ham yoqtirmaydi. Shuningdek, yulduzning atrofida bu haqda tez-tez eslatib turadiganlar esa ancha ko‘p.

Juliya Roberts

Foto: “Lisa”

Gollivudning eng taniqli aktrisasi ham o‘zini go‘zal deb hisoblamaydiganlar safidan joy olgan. Juliya yoshligida ham katta og‘iz va uzun bo‘yidan uyalgan. Ammo uning maftunkor tabassumi hamda chiroyli qomati ko‘plab muxlislarni xursand qiladi. U hozirda o‘zining ko‘rinishini kamroq tanqid qilmoqda, ammo hali ham o‘z fikridan qaytmagan.

Jennifer Lourens

Foto: Pinterest

Jennifer modaga ergashmaydi hamda parhez qoidalariga amal qilmaydi, qabilidagi so‘zlardan so‘ng u o‘zini boricha qabul qilishga ko‘nikdi. Ammo ma’lum bo‘lishicha, Jennifer qomatini yoqtirmaydi va o‘zini semiz  deb biladi. Gollivud yulduzlar o‘zi shunday, doimo nozik bo‘lishni yoqtiradi.

Shakira

Foto: Pinterest

Chiroyli qiyofa egasi Shakira ham o‘zini tanqid qiluvchi yulduzlardan biridir. Xonandaning so‘zlariga ko‘ra, muxlislari uni o‘ziga ishongan qiz deb biladi. Ammo Shakira ekranda go‘zallik egasi kabi ko‘rinsa-da, hayotda uning bo‘yi kichkinagina.

Skarlett Yoxansson 

Foto: Pinterest

Skarlett ham o‘zini to‘ladan kelgan deb hisoblaydi. Ayniqsa, oyoqlari qomatiga nisbatan ancha semiz. “Gollivudda hamma nozik, men esa oyoqlarim tufayli hamisha o‘zimni semiz his qilaman”, – deya shikoyat qiladi aktrisa.

Rianna

Foto: Pinterest

Rianna o‘zini semiz deb hisoblaydigan yulduzlar qatorida. Unga ko‘plab muxlislari vazn kamaytirish bo‘yicha bir qancha takliflar ham bergan, ammo xonanda buni qachonki o‘zi xohlasa, shundagina amalga oshirishi mumkin. Bundan tashqari, yulduz yuzidagi mayda husnbuzarlar borligini ham tan olgan va bu ham uni xafa qiladi.

Penelopa Krus 

Foto: Pinterest

Penelopa yoshligida balet bilan shug‘ullangani tufayli o‘ta nozikligidan shikoyat qiladi, biroz to‘lishishni istaydi. Shuning uchun ham u o‘zini yetarlicha chiroyli deb bilmaydi. “Ha, ko‘rinishim yaxshi bo‘lishi mumkin, lekin chiroyli emasman”, – deydi Krus.