Интернетда янги P50 линейкасига бошчилик қиладиган модель — Huawei P50 Pro+ смартфонининг ҳозирга қадар энг сифатли рендери пайдо бўлди, деб хабар беради IXBT.
Сурат орқали қурилманинг анча батафсил тавсифи, жумладан, асосий камералари сони билан танишиш мумкин.
Смартфон миш-мишларга мос тарзда кўриниш олган — марказий қисмида фронтал камера учун қирқим ва минимал даражадаги ҳошияли эгилган дисплей. Асосий камера блоки Nova 8 ёки Nova 8 Pro’ни ёдга солади, аммо мазкур ҳолатда улар иккита «юмалоқ қаватга» аниқ ажратилган. Юқори қисми 1/1,18 дюймли оптик форматга эга Sony IMX707Y датчикларига, кенг бурчакли объективга эга OmniVision OV64A’га ҳамда беш карра оптик зумни таъминлайдиган RYYB телеобъективига ажратилган.
Пастки қисмида 10 каррали оптик зумга эга перископ модуль ҳамда 3D ToF камераси ўрин олган. Айни вақтда флагман модель учун ҳам бу ҳаддан ортиқ жамланма ҳисобланади. Масалан, Xiaomi Mi 11 Ultra учта камера модули билан кифояланган. Huawei P50 Pro+ камераси 200 каррали гибрид яқинлаштиришни таъминлай олади.
Шунингдек, смартфон HarmonyОS 2.0 операцион тизимига, 120 герцли янгиланиш частотасига эга 6,7 дюймли экран, 16 гигабайт тезкор ва 512 гигабайт ички хотирага эга бўлади. Қурилма чанг ва намликдан IP68 стандарти бўйича ҳимояланган, аккумулятор сиғими — 4800 мА/соат. Бир кристалли тизим сифатида Kirin 9000’дан фойдаланилган.
Мавзуга доир: Хитойдаги дўконларда Huawei смартфонлари қолмади
Изоҳ (0)