Xiaomi, Redmi ва Poco смартфонлари учун чиройли ёғоч ғилофлар сотувга чиқди

AliExpress интернет майдонида Xiaomi смартфонлари учун ёғочдан ишланган жуда чиройли ғилофлар 8,5 доллар қийматида сотувга чиқди, деб хабар беради IXBT.

Ёғоч корпус Xiaomi’нинг машҳур моделлари, жумладан, Xiaomi Mi 10, Xiaomi Mi 11 Pro, Xiaomi Mi 11 Ultra, Xiaomi Mi 9Т, Xiaomi Mi 9, Xiaomi Mi Мiх 3, Poco X3 Pro, Poco F3, Poco F2 Pro, Redmi Note 7, Redmi Note 8, Redmi К20 ва бошқа смартфонлар учун яратилган.

Мазкур ғилоф массив палисандр ва термопластик полиуретандан ишланган бўлиб, у ҳар куни фойдаланиладиган смартфонни турли шикастлардан ҳимоя қилишга бардошли. Ғилоф конструкцияси камералар хавфсизлигини таъминлаб, ён тугмаларни босишда ноқулайлик туғдирмайди.

Ушбу ғилофларда дунёнинг турли бурчакларидан бўлган чиройли нақшлар, турли белгилар ва қадимий Хитой ёзувлари тасвирланган.

Аввалроқ Россияда смартфонлар учун экологияга зарар келтирмайдиган сомондан ғилоф яратилгани тўғрисида хабар берилганди.