Оммабоп эътиқоддан фарқли ўлароқ, айрим юлдузлар доимий равишда экранларга чиқиш учун Голливуд яқинида яшашни шарт деб билмайди. Ушбу таниқли шахслар болаларни тарбиялаш ва севимли машғулотлари билан шуғулланиш учун тинч шаҳарни танлаган.
Райан Рейнолдс ва Блейк Лайвли
Уч фарзанднинг ота-онасига айланган юлдузлар оиласи Нью-Йоркнинг осуда Бедфорд шаҳарчасида яшайди. Дарҳақиқат, Уэстчестерни узоқ вақтдан бери юлдуз ва америкалик миллионерлар танлаган, шунинг учун ҳам уларнинг ҳаётини бутунлай қишлоқ деб аташ мумкин эмас. Аммо катта шаҳарнинг шовқин-суронидан йироқ.
Мерил Стрип
Актриса бир қанча мукофот ва совринларга эга бўлса-да, ҳеч қачон улар тизилган уйда яшамаган. У кўп вақтини Коннектикут штатидаги Селберида оиласи билан бирга ўтказади. Бу оддийгина американча шаҳарча, унинг аҳолиси актрисанинг шахсий ҳаётга бўлган ҳуқуқини ҳимоя қилади.
Харрисон Форд
Актёр рафиқаси Калиста билан Вайоминг штатидаги Жексон-Ҳолл шаҳарчасида яшайди. Форд ҳеч қачон Голливудга яқин жойда яшашга интилмаган. Шунингдек, унинг 324 гектар майдонининг бир қисми миллий қўриқхонага айлантирилди.
Жессика Бил
Актриса Монтана штатининг Биг-Скай шаҳрида яшайди. У ва эри Жастин Тимберлейк 2015 йилда ўғли Сайлас туғилганидан кейин у ерга кўчиб кетган. Юлдузли жуфтлик у ерда сайр қилади, дам олади ва шаҳарга қайтишни ҳозирча режалаштирмаган.
Жулия Робертс
Актрисанинг АҚШнинг бир нечта штатларида уйи бор. Лекин Нью-Мехико штатининг Таос шарида у турмуш ўртоғи Дэнни Модер ва уч фарзанди билан ўзини эркин ҳис этади. Жуфтликнинг уйи Сангре-де-Кристо тоғларида жойлашган.
Том Хенкс
Яқиндагина коронавирусга чалинган таниқли актёр бир неча йилдан бери Айдаҳо штатининг Кетчам шаҳрида иккинчи рафиқаси Рита Уилсон билан яшайди. У ерда актёр журналист ва мухлисларнинг назаридан четда, хотиржам ҳаёт кечириши мумкин.
Жефф Дениелс
Актёр суратга тушишдан бўш вақтларида ўзи туғилган Мичиган штатининг Челси шаҳрида яшайди. У бир вақтлар машҳур бўлишини кутмаганлигини тан олган ва шунинг учун ҳам уйидан узоқда яшамаган.
Николь Кидман
Австралиялик актриса турмуш ўртоғи Кит Урбан ва болалари билан хотиржамлик учун Теннесси штатидаги Лейперс-Форк шаҳрида яшайди. Бироқ Кидманнинг Қўшма Штатларда ҳам, мамлакат ташқарисида ҳам бир қанча яшаш жойлари мавжуд.
Эшли Жадд
Актриса асли Кентукки штатидан, аммо у Кидман билан бир жойда яшайди. Айнан шу ерда унинг онаси Наоми ва синглиси Вайнона дунёга келган. Улар ҳам Эшли билан қўшни яшайди.
Изоҳ (0)