Dior бренди заргарлик уйининг асосий дизайнери бўлган Виктуар де Кастеллан Bal des Roses коллекцияси тақдим қилинганидан 10 йил ўтиб, янги тўплам борасида такрор атиргуллардан илҳомланишга қарор қилди.
Коллекциянинг номланиши Париждаги 1200 турдаги 10 минг тупдан ортиқ атиргулларни ўз ичига оладиган Bagatelle боғи билан боғлиқ. Кристиан Диорнинг энг севимли гулига бағишланадиган мазкур коллекция жами 54 та заргарлик буюми — зирак, узук ва билагузукларни ўз ичига олади.
Пушти ёқут, Параиба турмалинлари, зумрад ва товланадиган бриллиантлардан ишланган тақинчоқлар орасида оқ олтиндан ишланган маржонни ҳам учратиш мумкин. Асоси ва гулбарглари майда бриллиантлар билан безатилган мазкур тақинчоқнинг гули кўк-яшил Параиба турмалинлари ҳамда ёқутлар билан қопланган.
Энг юқори заргарлик санъатининг мураккаб техникалари асосида яратилган коллекциянинг мукаммал чиқиши учун, асосан, қўл меҳнатидан фойдаланилган.
Rose Dior Bagatelle заргарлик буюмларига энг яхши француз заргарларининг мислсиз маҳорати натижаси деб таъриф бериш мумкин.
Изоҳ (0)