Интернетнинг Хитой сегментида Tesla электрокарига киритилган қўшимча янгилик сурати пайдо бўлди. Камида иккита машинанинг эгаси тепкилар узелига, айниқса, тормоз тепскига йўналтирилган видеорегистраторни ўрнатган. Бу агарда автопилот айби билан ЙТҲ ёки тизимда носозлик юзага келганда видеоёзув орқали ўзларининг айбсизлигини исботлаб бериш мақсадида қилинмоқда, деб хабар беради Motor.
Tesla’нинг хитойлик эгалари бу каби усулни электрокарлар билан содир бўлаётган авариялар сони oртаётгани сабаб қўллашга мажбур бўлмоқда. Аварияга учраган ҳайдовчиларнинг версиясига кўра, ЙТҲ автопилот айби билан юзага келган, бироқ автомобиль ишлаб чиқарувчи ушбу айбловлардан қочмоқда. Аварияга учраганлар Tesla сабаб юзага келган ЙТҲда жабрланишига бир бахя қолган қиз томонидан уюштирилган оммавий акцияга ҳам сабабчи бўлган.
Кўргазма вақтида «Носоз тормозлар» ёзуви туширилган футболкадаги қиз машина томига чиқиб олиб, автомобиль ишлаб чиқарувчини тизимнинг носозлигида айблаган ва ўз оила аъзолари Мodel 3 электрокари билан содир бўлган ЙТҲда ўлиб кетишига бир бахя қолганини билдирган. Америка компанияси айбловга ўз муносабатини билдирган: қиз автомобилнинг носозлигини исботловчи бирор далил келтирмагунича унга компенсация тўланмайди.
Таъкидланишича, бу каби акция Tesla’нинг Хитой бозоридаги имижига жиддий зарар етказиши мумкин.
Мавзуга доир:
Шунингдек, Шимолий Каролина штатида автопилотда ҳаракатланаётган Tesla Моdel S иккита полиция автомобили билан тўқнашув содир этгани ҳамда Tesla Моdel 3’нинг рули ҳаракат вақтида узилиб тушгани, Хитойда Tesla автопилоти соатига 127 километр тезликда ҳаракатланиб, ЙТҲга учрагани тўғрисида хабар берилганди.
Изоҳ (0)