Буюк Британиядаги зарбхона оғирлиги 10 килограмм келадиган ўз тарихидаги энг катта олтин тангани ясади. Бу ҳақда Қироллик зарбхонасига таяниб, «Korrespondent.net» хабар берди.
«Замонавий кўникмалар ва инновацион технологиялар уйғунлиги иқтидорли усталар жамоамизга 1100 йиллик тарихимиздаги энг катта тангани — қиролликнинг барча ўнта ҳайвони тасвири туширилган 10 килограммли олтин тангани яратиш имконини берди», — дейилади хабарда.
https://twitter.com/RoyalMintUK/status/1387709534962167810
Sky News телеканалининг маълум қилишича, танга 10 минг фунт стерлинг номиналига эга бўлиб, у ягона нусхада яратилган. Таъкидланишича, олтин танга ҳозирда ўз исмини ошкор этишни истамаган харидорга олти хонали сон эвазига сотилган.
Эслатиб ўтамиз, 2020 йилда АҚШда 1794 йилда ишлаб чиқарилган кумуш доллар сотувга қўйилганди. 2013 йилда 10 миллион долларга сотилган ушбу танга дунёдаги энг қиммат танга ҳисобланади.
Мавзуга доир: Дунёдаги энг ноёб ва қимматбаҳо тангалар
Изоҳ (0)