Акин Акинозу ва Эбру Шаҳин «Беқарор» сериалида гавдалантирган қаҳрамонлари — Миран ҳамда Рейян билан хайрлашди

Эбру Шаҳин ва Акин Акинозунинг карьера борасида машҳурликка эришишига сабабчи бўлган «Беқарор» сериали ўз ниҳоясига етди.

69 қисмдан иборат, 3 фасл давом этган сериалда Миран ва Рейян жуфтлигини гавдалантирган юлдузлар сўнгги вақтда ўртасидаги муносабатлар ёмонлашгани сабаб ўз қаҳрамони билан ҳамкасбининг исмини тилга олмаган ҳолда хайрлашишни маъқул билган.

Акин Instagram саҳифасида ролини ижро қилиш давомида севишнинг буюк куч экани ва севилиш энг қийматли эканини кўрсатгани учун Миранга миннатдорчилик билдирган.

https://www.instagram.com/p/COGGvt6HFXF/

«Энг муҳими, мен севган ва мени севган инсонлар олдида масъулиятни билмасдан туриб ҳақиқий эркак бўлмаслигимни ўргатдинг. Сен сабаб оилам борлигини ҳис қилиш ҳамда яқинларимнинг қадрини билишни ва мўъжизаларга ишонишни ўргандим. Биласанми, айнан сен туфайли тақдиримдан миннатдор бўлишим учун кўплаб сабаб борлигини тушуниб етдим», — деб ёзган актёр, Миран ва у бир-бирларини тўлдирганлари, шунингдек, энди отланган йўлларининг сўнгига етиб келганларини қўшимча қилган.

Эбру Шаҳин ҳам Рейян билан ўзининг Instagram саҳифасида видолашган. Суратга олиш ишлари иқлими ёмғирли, баҳорда қаҳва ранги сингари жигарранг кўринишда бўладиган, одамлари камбағал, аммо меҳрибон ерларда кечганини таъкидлаш билан хайрлашиш мактубини бошлаган Эбру сериал ижодкорлари баъзида ўқиган, эшитган аммо ҳақиқий инсонлар ҳикояси билан бўлишганини маълум қилган.

https://www.instagram.com/p/COGOD0AAPKc/

«Менинг Рейяним, сен мени ўстириб, чегара нима эканлигини ўргатдинг. Мен эса сенга чегараларни босиб ўтишга ёрдам бердим. Сен мени ёмонликларга табассум билан сукут сақлаб, ҳаммасини вақтга ташлаб қўйиш, сабрли бўлишга, мен эса адолат қидириш учун гапиришга ўргатдим сени. Энди ёвуз кимсанинг қасрида эмас, ўз ҳикоянгдаги саройдасан», — деб ёзган актриса гавдалантирган қаҳрамони болаларни севишга, аёлларни эса жасоратли бўлишга ўргатишига умид қилишини билдирган.

«Бошидан бизнинг ёнимизда бўлган мухлисларимиз ҳамда қадрли ҳамкасбларимга ҳаёти давомида гўзалликлар ва севги билан юзлаштирадиган йўлларни топишини тилайман. Мени тинглаган ва тушунган барчага раҳмат», — деган Эбру.