Актриса Саида Саидбекова нима сабабдан кино оламида катта танаффус қилганига ойдинлик киритди.
Бу ҳақида актриса YouTube’даги YashinTV каналига берган интервьюсида гапириб берди.
Тўғрисини айтсам, турмуш ўртоғим билан танишишимизни битта фильм деса ҳам бўлади: жуда қизиқ бўлган. Йигитлар қизларни кўрса, хушомад қилгиси, гап отгиси келади. Улар билан биринчи марта кўчада тасодифан кўришиб қолганмиз. Аввал бошида дўст бўлиб, яқин инсон бўламиз деган мақсадда гаплашиб юрганмиз. Хўжайиним жуда ҳам рашкчилар, қаттиқ туриб, жуда ҳам тез муддат ичида совчиларни юбориб, тўйимизни тезлаштириб юбордилар.Маълумот учун, Саида Саидбекова 1988 йилнинг 7 июнь куни Сирдарё вилоятида дунёга келган. Ўзбекистон давлат санъат ва маданият институтининг эстрада актёрлиги йўналишида таҳсил олган. Мухлислар орасида «Ёлланган совчи», «Хўрланганлар», «Қиз кўнгли», «Бой бўлма, сахий бўл», «Фарзандим 1, 2», «Муғомбир куёвлар» каби фильмлардаги бош роллари билан машҳурликка эришган.Тўйимизгача фильм сценарийларини кўриб, агар сценарий яхши бўлса роль ижро этасиз, дедилар. (Кулиб). Қаерда дейсиз, ҳамма гап тўйгача экан, ундан сўнг рашклари жуда ҳам қаттиқ бўлиб кетди. Ҳаттоки ижтимоий тармоқларга киришимга ҳам рухсат бермадилар. Фақатгина фарзандларимиз дунёга келганидан сўнг Instagram тармоғидан фойдаланишга рухсат берганлар.
Хуллас, тўйдан сўнг барча съёмкаларга қаршилик билдирдилар. Телефон рақамларимни ҳам алмаштирдим. Фақат уй ишлари, бола тарбияси билан банд бўлдим. Лекин шу вақт ичида хўжайиним ҳам, қайнона-қайнотам ҳам қўлларидан келганича зериктирмасликка ҳаракат қилишди, рўзғорда ёрдамларини аяшмади. Яхши ташвишлар, ширин хотиралар билан ҳаётимизнинг 3-4 йили қандай ўтиб кетганини ҳам билмай қолдик.
Саида Саидбекова, актриса
Изоҳ (0)