Бугун,

  • USD 11095.31
  • RUB 173.84
  • EUR 10772.44

Болливуд кино оламида орадан неча йиллар ўтса ҳам энг яхши жуфтлик сифатида мухлислар ёдида қолган актёр ва актрисалар билан танишинг.

Раж Капур ва Наргис

Фото: «Яндекс Дзен»

Фото: «Яндекс Дзен»

Раж Капур оилали бўлишига қарамай Наргисга бўлган муҳаббатини яшира олмаган. Улар экранларда ажойиб жуфтлик ролини ижро этибгина қолмай, ҳаётда ҳам бир-бирига кўнгил қўйган. Аммо Раж Наргисни деб оиласидан воз кечмаган. Шунинг учун ҳам улар фақат экранлардагина энг яхши жуфтлик сифатида ёдга олинади.

Дҳармендра ва Ҳема Малини

Фото: «Яндекс Дзен»

Фото: «Яндекс Дзен»

Дҳармендра ва Ҳема нафақат экранда энг яхши жуфтлик, балки ҳаётда ҳам оила қуришга муваффақ бўлган. Уларнинг орасидаги муҳаббат айнан суратга олиш майдончасидаги танишувдан кейин бошланган.

Амитабҳ Баччан ва Рекҳа

Фото: «Яндекс Дзен»

Фото: «Яндекс Дзен»

Эҳтимол, уларнинг севги тарихи Болливуд мухлислари орасида жуда кўп муҳокамаларга ҳам сабаб бўлгандир. Амитабҳ, унинг рафиқаси Жая ва Рекҳадан ташкил топган «муҳаббат учбурчаги» ва уларнинг атрофидаги сир абадий сирлигича қолиши ҳам мумкин. Лекин нима бўлганида ҳам жуфтлик фильмлардаги ролларини қойилмақом тарзда ижро этган.

Риши Капур ва Димпл Кападия

Фото: «Яндекс Дзен»

Фото: «Яндекс Дзен»

Риши ва Димплнинг ҳамкорликдаги илк ижроси «Бобби» фильми эди. Мухлислар ушбу фильмдан кейиноқ уларни энг яхши жуфтлик сифатида қабул қилган. Фильм ҳам муваффақиятга эришган. Кейинчалик жуфтлик яна бир неча фильмларда роль ўйнаб, томошабинларнинг қувончига сабаб бўлган.

Шоҳрух Хон ва Кажол

Фото: «Яндекс Дзен»

Фото: «Яндекс Дзен»

Замонавий авлод орасида Шоҳрух Хон ва Кажолни энг ажойиб жуфтлик сифатида тан олмайдиган томошабиннинг ўзи топилмаса керак. Уларнинг иштирокида ҳар бир фильм машҳурликка эришибгина қолмай, балки жуфтликнинг ўзига ҳам омад келтирган. Жуфтлик иштирок этган ҳар бир картина энг кассабоп фильмлар рўйхатидан жой олган ва ҳанузгача севиб томоша қилинади.

Изоҳ
Асосий янгиликлар
Дунё
Ҳиндистонда вояга етмаган қизларга уйланишда айбланиб, 2 мингдан ортиқ эркак ҳибсга олинди
Дунё
АҚШ ҳарбийлари мамлакат осмонида учаётган Хитой шарини уриб туширди. Пекин норозилик билдирди (видео)
Дунё
“Путин менга Зеленскийни ўлдирмасликка ваъда берган” — Исроил собиқ бош вазири Беннет Россия президенти билан суҳбати ҳақида гапириб берди