Marvel киностудияси томонидан яратилган янги фильмнинг трейлери пайдо бўлди. Шу орқали компания янги суперқаҳрамонларга боғлиқ ўзининг тўртинчи фазасини тақдим этди. Гап Шан Чи ва ўн узук афсонаси ҳақида кетмоқда, деб ёзади «Korrespondent.net».
Кинокартинанинг бош қаҳрамони Шан Чи ролини Симу Лью ижро этади ва у «Ўн узук» террорчилик ташкилотининг аъзоларига қарши курашади. Бироқ жангарилар раҳбари ўзининг отаси эканидан хабар топади.
«10 йил ўз ҳаётинг билан яшашингга имкон бердим. Ва бу сени қаерга олиб борди? Сен менинг соямга яшириндинг. Сени дунёнинг энг хавфли қотилларига қарши туришга ўргатдим. Ўғлим, энди менинг ёнимда туришинг керак», — дейилади трейлерда.
Шан Чининг отаси унга болалигидан жанг санъатини ўргатганига қарамай, бош қаҳрамон террорчиларга қўшилишни истамайди.
Таъкидланишича, кинокартина экранларда «Қора бева»дан сўнг пайдо бўлади.
Аввалроқ Кал ва жуда озиб кетган Кристиан Бэйл «Тор 4»нинг суратга олиш майдончасига келгани тўғрисида хабар берилганди.
Изоҳ (0)