Ироқнинг Бағдод шаҳрида жойлашган Ибн ал-Хатиб касалхонасида ёнғин содир бўлди, деб ёзади Meduza. Al-Hadath телеканали маълумотларига кўра, камида 82 киши ҳалок бўлган, яна 110 киши жабрланган.
Ёнғин коронавирус беморлари учун интенсив даволаш бўлимида юзага келган. Унга кислород баллонлари сақланадиган омбордаги носозлик туфайли содир бўлган портлаш сабабчи бўлгани таъкидланмоқда. Баъзи беморлар ёнғиндан қочиш учун деразалардан сакраган. Икки қаватли бино деярли тўлиқ ёниб битган.
Касалхонада ёнғиндан ҳимоя тизимлари бўлмаган, осма шифт эса оловнинг ёнилғи материалларига тезкорлик билан тарқалиш имконини берган. Фуқаролик мудофааси маълум қилишича, қурбонларнинг кўпчилиги сунъий нафас олдириш аппаратларидан узиб қўйишга тўғри келганидан вафот этган, қолганлар тутундан бўғилиб ўлган.
Ироқ Соғлиқни сақлаш вазирлиги ҳалок бўлганлар ва жабрланганлар сонини расман эълон қилгани йўқ, аммо касалхонадан 200 га яқин одам қутқарилганини қайд этди.
Ёнғиндан кейин баъзи сиёсатчилар, жамоат арбоблари ва парламент аъзолари Ироқ соғлиқни сақлаш вазири Ҳасан ал-Тамимийнинг истеъфосини талаб қилди.
Ироқда уч кунлик мотам эълон қилинди.
https://twitter.com/thestevennabil/status/1386082639396757509
Big disaster, 55 corona patients dead in fire caught Abn Al khateeb hospital in #Baghdad, the fire broke up after oxygen cylinder has exploded. pic.twitter.com/IK1L0KgZUH
— Ammar karim (@ammar_afp) April 24, 2021
Аввалроқ Ҳиндистоннинг Махараштра штатидаги хусусий касалхонада ёнғин содир бўлиб, камида 13 киши ҳалок бўлган эди. Коронавирус бўлимида ўт чиққан эди.
Шунингдек, худди шу штатда коронавирусга чалинган беморларни даволовчи касалхонада кислороднинг цистернадан сизиб чиқиши оқибатида 24 нафар одам нафаси қайтиб, ҳаётдан кўз юмган эди.
Изоҳ (0)