Чернобиль АЭСдаги фожиадан кейин 35 йил ўтди. Фалокат зонасининг ҳозирги кўриниши — суратларда
Чернобиль атом электр станцияси (АЭС)да содир бўлган авариядан кейин 35 йил ўтди. Ҳозирги Украина ҳудудида жойлашган АЭСда 1986 йил 26 апрелда тўртинчи энергия блокининг реактори портлаган ва атроф-муҳитга катта миқдордаги радиоактив моддалар тарқалишни бошлаган эди. Ушбу бахтсиз ҳодиса унинг оқибатларидан ҳалок бўлган ва жабр кўрган одамларнинг тахминий сони бўйича ҳам, иқтисодий зарар жиҳатидан ҳам ядро энергетикаси тарихидаги энг йирик фожиа ҳисобланади. 1986 йилда АЭС яқинидаги ҳудудлардан 115 мингга яқин одам эвакуация қилинган.
АЭСдаги фалокатдан кейин уни эксплуатациядан чиқариш ишлари ҳануз давом этмоқда, маҳаллий туроператорлар эса тақиқланган зонага экскурсиялар уюштирмоқда. Чернобиль фожиадан кўп йиллар ўтиб қандай кўринишда экани ҳақида «РБК» фоторепортаж тайёрлади.
Чернобиль АЭС ва янги саркофагнинг кўринишиФото: AP Photo
Чернобиль станциясининг вайрон бўлган реактори устидаги янги саркофаг 2019 йилда ишга туширилди. Қурилиш 2008 йилдан бери G7 мамлакатлари ташаббуси билан Европа тикланиш ва тараққиёт банки бошқаруви остида ташкил этилган Халқаро Бошпана Фонди бошчилигида олиб борилган. Лойиҳа қиймати 1,5 миллиард еврони ташкил қилади.
АЭСнинг янги хавфсиз биноси ичида юрган ишчи. Ниҳоят, станция 2000 йилда энергия ишлаб чиқаришни тўхтатди, охирги бўлиб учинчи энергия блоки ўчирилди. Эндиликда станцияни эксплутациядан чиқариш ишлари олиб борилмоқда, бу жараён кўп йиллар давом этиши мумкинФото: EPA
Чернобиль АЭС ходимлари иш кунидан кейин автобус кутмоқда, 2018 йилФото: Reuters
Чернобиль АЭСдан 2 км узоқликда жойлашган Припят шаҳри. АЭС Припятнинг уни шаҳар сифатида шакллантирган корхонаси эди. Воқеа содир бўлганидан сўнг, станция яқинидаги 30 километрлик ҳудуд кириш тақиқланган зонага айланган.Фото: Reuters
Парипятни кезиб юрган эркак. Чернобиль зонасига саёҳатлар 1990 йилдан жамоат ташкилотларининг ёрдами билан уюштирила бошланган. Эндиликда бу иш билан Чернобиль туроператорлари ассоциациясида бирлашган йигирмата компания шуғулланадиФото: EPA
Тақиқланган зонадаги сайёҳлар учун қатъий қоидалар мавжуд: кириш ва чиқишда хавфсизлик текширувидан ўтиш ҳамда фақат гид ҳамроҳлигида ҳаракатланиш керак, очиқ кийимда юриш тақиқланадиФото: AP Photo
Асосан 12 соат давом этадиган бир кунлик саёҳатларга талаб катта. Ташриф зонаси бошқарувини ташкилий, техник ва ахборот билан таъминлаш марказининг маълумотларига кўра, ташриф буюриш мумкин бўлган ҳудудларнинг аксарият қисмида узоғи беш кунгача қолиш хавфсиздир.Фото: EPA
2019 йилда кўп қисмли «Чернобиль» фильми экранларга чиққандан кейин Припятга саёҳат қилиш оммалашди. Ўша йил натижаларига кўра, тақиқланган ҳудудга 124 мингдан ортиқ киши ташриф буюрган, уларнинг аксарияти чет элликлар.Фото: AP Photo
Тақиқланган зонанинг Копачи қишлоғидаги ташландиқ болалар боғчасида юрган сайёҳ. Туроператорларнинг таъкидлашича, чет эллик меҳмонларни нафақат бу ернинг фожиали тарихи, балки Совет ҳаётига назар солиш имконияти ҳам жалб қилади, чунки мазкур ҳудуд 1986 йилги кўринишда сақланиб қолганФото: EPA
Тақиқланагн зонадаги объектларнинг ҳаммасини ҳам тасвирга олиш мумкин эмас, Чернобиль АЭС атрофида 5 км рaдиусда тасвирга олиш умуман тақиқланадиФото: Reuters
2019 йилда Украина президенти Владимир Зеленский Чернобиль зонасида туризмни янада ривожлантириш масалалари бўйича қарор қабул қилди. У ҳудудга киришни соддалаштиришга ва видеотасвирга олишдаги чекловларни олиб ташлашга ваъда берди. Худди шу йили сайёҳлар учун 21 йўналиш — қуруқлик, сув ва ҳаво йўллари тасдиқланди.
Украина ҳукуматининг улкан режаларига қарамай, 2020 йилда сайёҳлар оқими 70 фоизга қисқариб кетди: коронавирус пандемияси туфайли халқаро саёҳатлар бекор қилинди.
Припятдаги марказий майдонФото: AP Photo
1986 йилда ликвидация ишлари учун фойдаланилган машиналарФото: EPA
Чернобиль АЭС яқинидаги радиолокацион станцияФото: ZUМА Wire
Изоҳ (0)