Актёр, режиссёр Алишер Узоқов «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди. Интервью Дубай шаҳрида бўлиб ўтди.
Суҳбат аввалида Алишер Узоқов Дубай шаҳрида жойлашган офиси билан таништирди.
Smart bolla деб номланган халқаро IT компаниясида масс медиа менежери бўлиб ишлаётган Алишер Узоқов айни вақтда Дубайда оиласи, фарзандлари билан яшаётганини маълум қилди.
Дубай шаҳрида офисга айлантирилган виллада съёмка қилиш, ишлаш, учрашувлар, ижодий келишувлар ўтказиш ва дам олиш учун барча шароитлар ҳозирланган.
Бу ер жуда ҳам тинч, сокин, шу нарса жамоамизга ҳам, менга ҳам ёқади. Аввалги офисимиз Дубай Марина деб номланган жойда эди, у ер яхшигина шовқин жой эди. Энди ‘айтичниклар’ ижодкор бўлади, раҳбаримиз Мурод ака ҳам ўйлайдиган, фикрлайдиган одам, уларга ҳам сокинлик, тинчлик керак. Шу сабабдан айнан шу жойни танлаганмиз.Маълумот учун, Алишер Узоқов «Жаноб ҳеч ким», «Уйланиш», «Тундан тонггача», «Сўнгги лаҳза», «Исломхўжа», «Элпарвар», «Менинг акам бўйдоқ», «Энди дадам бўйдоқ» каби фильмларда бош ролларни ижро этган.Буни вилла эмас, ҳовли, ҳовлича десак ҳам бўлади. Бу ерда ортиқча бақир-чақир, ҳаракатларга рухсат берилмайди. Оддийгина, шогирдим Озод чўмилиб, шу ернинг ўзида кийимини алмаштиргани учун бир дунё жарима тўлашга мажбур бўлдик. Бу аслида мантиқан тўғри, чунки бу ерда бошқа инсонлар ҳам яшайди, уларни ҳам ҳурмат қилиб яшаш керак.
Ниқобни тақиш бўйича кўчада огоҳлантиришлар, назоротга олиш жуда ҳам кучли. Жарима миқдори 800 доллар. Аммо, аввало, огоҳлантириш берилади, одамлар ўзи билиб-билиб доимий ниқобда юришади.
Алишер Узоқов, актёр, режиссёр
«Музлаган», «Кузда гуллаган дарахт», «Менинг акам бўйдоқ», «Энди дадам бўйдоқ» каби фильмларга режиссёрлик қилган. Алишер Узоқов ҳозирги кунда Дубай шаҳрида Smart bolla деб номланган халқаро IT компанияда фаолият юритмоқда.
Изоҳ (0)